→ كل الوصفات

طاجن مكرونة ميكس جبن

مفيش حد مش بيحب المكرونة لو زهقتي من المكرونة بالصلصة والبشاميل جربي الوصفة دي هتعجبك والاطفال هيحبوها جدا وتغيير

  • كيس مكرونة اللي تحبوها انا استخدمت الاسباجيتي
  • معلقة زيت ومعلقة زبدة
  • 3 قطع جبنة نستو
  • كوب شيدر
  • كوب رومي
  • كوب مورزريلا
  • سوسيس أو فراخ لو تحبي ممكن تضيفي اي إضافة تحبيها انا هنا عملاها
  • جبن بس
  • معلقتين كبار زيتون أسود مخلي
  • عبوة كريمة لباني
  • 2 كوب لبن
  • كوب ماء
  • ملح
  • فلفل اسود
  • بابريكا
  • رشة كمون
  • رشة كزبرة ناشفة
  • معلقة صغيرة ثوم بودرة
  • معلقة صغيرة بصل بودرة
  • معلقة صغيرة كاري
  • معلقة صغيرة كركم
  1. هنسلق المكرونة نص سلقة في ماء وزيت وملح
  2. هنصفيها ونشطفها ونحط عليها زيت ونقلبها في بعض ودي اهم تكة ما تخليهاش تعجن منك ابدا ونتركها على جمب
  3. هنجيب حلة ونحط ملعقة زيت على زبدة وننزل بالتوابل وبعدين الكريمة اللباني واللبن والماء والنستو ونص كمية الشيدر ونص كمية الرومي ونقلب كويس لحد ما الجبن تسيح ونطفي
  4. هناخد حبة من الصوص ده نقلبه مع المكرونة
  5. ونجيب الطاجن أو الصينية وندهنها زيت ونحط المكرونة والزيتون وباقي الجبنة الرومي والشيدر وباقي الصوص وندخلها الفرن ولما نلاقيها بدأت تحمر نحط الموزاريلا اول ما تسيح نطفي
  6. وهتاكلي احلى مكرونة
عجبتك الوصفة؟
شوف كل وصفاتنا في مكان واحد
كل الوصفات →