→ كل الوصفات
طريقة عمل طاجن مكرونه بالفراخ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو بانيه
- كيس مكرونه قلم
- ملح وفلفل
- بهارات فراخ
- سبع بهارات
- ورق لورا
- بصله شرايح وبصله مفرومه
- 2 حبات طماطم
- معلقه كبيره صلصه
- 2 حبات فلفل اخضر او حامى حسب الرغبه
- معلقتين ثوم مفروم
طريقة التحضير
- فى جريل او طاسه غويطه نحط زيت وعليه الفراخ متقطعه مكعبات صغيره بمجرد ما تاخد لون ننزل عليها ببصله متقطعه شرايح ، اول ما تدبل ننزل عليها بالفلفل الاخضر ونقلب تانى وننزل بالملح والفلفل والسبع بهارات و بهارات الفراخ وورق لورا ونقلب تانى
- وفى نفس الجريل نحط زيت و نجيب البصل المفروم ياخد تقليبه ونحط رشه ملح وفلفل لما يبتدى ياخد لون ننزل بالطماطم و معلقه صلصه ومعلقه كبيره ثوم مفروم ونسيبها تاخد غلوتين بس متتسبكش عشان تسوى المكرونه
- نجيب الطواجن بتاعتنا و ندهنها زيت كويس ونحط الفراخ الاول بعدين نضيف المكرونه ونحط عليها الصلصه ونقفلها بفويل وعالفرن درجه حرارته ٢٠٠ درجه ونص ساعه وبالهنا 😋❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد