→ كل الوصفات

طاجن مكرونه بالكبد والقوانص

وصفه غذاء مشبع وبسيط

  • 1/2 كيلو كبد وقوانص
  • 1/2 كيلو مكرونه مرمريه
  • بصلايه كبيره
  • سمن وزيت
  • 5 حبات طماطم
  • فصين كبار ثوم
  • واحده فلفل اخضر
  • توابل ملح وفلفل اسمر وخلطه دجاج ومكعب مرقه وكركم وبابريكا
  • مكونات البشاميل للوجه دقيق وكوب لبن وملح وفلفل اسود ونصف مكعب مرقه ورشه توابل كبسه
  1. تقطع القوانص وتوضع عالنار مع التقليب دقيقه تتشوح لوحدها الاول
  2. تقطع بصلاايه كبيره ناعم انا بضربها ناعم بالكبه وتوضع فوق القوانص مع التقليب
  3. نقوم باضافه التوابل والتقليب ونقلل النار وسط خمس دقائق
  4. فى هذه الأثناء نقوم بسلق كميه المكرونه فى ماء بملح
  5. بعد وصول القوانص نصف نضج نقوم بإضافة الكبده متقطعه ونقلب
  6. نفرم طماطمايه مع فلفل اخضر ويمكن اضافه شطه خضراء اختيارى وتوضع فوق الكبد والقوانص وتترك لتمام النضج
  7. نقوم بتحضير صلصه الطماطم للمكرونه بالملح والفلفل الاسود ورشه كسبره ورشه سكر اختيارى ونحضر طواجن فخار لتسويتها فالفرن ونضع بكل منها ملعقه سمن علشان المكرونه ماتلزقش
  8. نضع طبقه مكرونه وطبقه كبد وقوانص وطبقه مكرونه تانى ونجهز البشاميل للوجه
  9. نعمل البشاميل عالبارد نقلب الدقيق فى اللبن ومكعب المرقه وملح وفلفل ورشه توابل كبسه تديها لون اصفر ومعلقه زبده 👌 وعالنار مع التقليب لحد مايتقل ونضع على الوش معلقه ونفردها علشان تعمل طبقه وتحمر معانا وعالفرن 😉😍
  10. ودا شكلها بعد التحمير وبالف هنا تقدم مع سلاطه خضراء ومخلل وشيبسي
  11. توووحفه جربوها تستحق التجربه الاختراع ده 😅
عجبتك الوصفة؟
شوف كل وصفاتنا في مكان واحد
كل الوصفات →