→ كل الوصفات

طاجن مكرونه باللبن

اسهل طريقه لعمل المكرونه باللبن طاجن متوسط الحجم

  • 3 كوب لبن
  • 6 معالق كبيره سكر
  • كوب مكرونه فرن
  • رشة فانيليا
  • معلقه صغيره زبده
  1. نسلق المكرونه بدون زيت او اي مكونات في ماء قليله بحيث تغطي المكرونه ونتركها لحد ما الماء تنشف او شبه تنشف (المكرونه مش بتتغسل عشان نحافظ على النشا اللي فيها)
  2. نغلي اللبن (يفضل استعمال لبن بودره عشان المكرونه تعيش اكتر وقت لو هتعملو صينينه كبيره ولو مش متاح يبقي لبن حليب عادي) ونضع عليه كيس فانيليا و ٦ معالق سكر كبيره او السكر براحتكم
  3. بعد سوي المكرونه وغليان اللبن نضعهم على بعض ونتركهم على النار شويه وبعدين نضعهم في الطاجن ونضع من فوق الزبده
  4. نضعها في الفرن على ١٨٠ او ٢٠٠ لحد ما اللبن يخف شويه ونفتح الشوايه حاجه بسيطه تتحمر من فوق
  5. المكرونه بتتاكل سخنه او ممكن تحطوها فالثلاجه عادي وبتتاكل ساقعه في كلتا الحالتين حلوه وبالف هنا
عجبتك الوصفة؟
شوف كل وصفاتنا في مكان واحد
كل الوصفات →