→ كل الوصفات

طاجن مكرونه فرن باللحمه المفرومه

طريقة عمل طاجن مكرونه فرن باللحمه المفرومه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيس مكرونه قلم
  • 0.25 ك لحم مفروم
  • 2 ثمرة بصل مقطع صغير
  • 2 ثمرة فلفل اخضر مقطع صغير
  • 2 ثمرة طماطم مقطعه صغير
  • 0.5 ك طماطم عصير
  • 1 ملعقة صلصة طماطم
  • ملعقه كبيره سمنه وملعقه كبيره زيت
  • ملعقه كبيره زيت للطاجن
  • حله بها ماء مغلى لسلق المكرونه
  • ملعقه ملح وفلفل اسمر وكمون وبهارات
  1. نحضر اللحمه والصلصه
  2. فحله عالنار نضع السمنه والزيت والبصل ونقلب واما تسخن نضع رشة فلفل اسمر واما تصفر نضع الفلفل الاخضر ونقلب ثم الطماطم ثم اللحمه ونقلب جيدا ونضع عصير الطماطم وكوب الماء والتوابل ونسيبها لحد ما تغلى واما تغلى نوطى النار لحد متتسبك الطماطم مع اللحمه يعنى اللحمه تشرب كل السوايل اللى فالصلصه
  3. نحضر المكرونه
  4. فحله بها مياه على النار تغلى نضع ملعقه ملح ثم المكرونه ونقلب كويس كل دقيقه عشان متعجنش واما تغلى نسيبها حوالى 10 ل 15 دقيقه فالماء المغلى عالنار مع التقليب ثم تصفى تحت ماء جارى ومش نشطفها اوى
  5. نضع المكرونه على اللحمه والطماطم ونقلبها دقيقه
  6. نضع ملعقة زيت فالطاجن او لو طواجن صغيره فنضع بسيط منه عشان المكرونه مش تلزق ونحاول نلمس الزيت فكل مكان فالطاجن
  7. نضع المكرونه باللحمه فالطاجن او نوزعها فالطواجن لو صغيره
  8. توضع ففرن عالى عالصاج واما تسخن نطلعها على السلك حتى الاحمرار وبالف هنا
  9. ممكن منسبكش الطماطم مع اللحمه ونعمل اللحمه زى الطريقه كده ونكتفى بكوب ماء ونسيبها تكمل سوا لحد متشرب ميتها
  10. نجهز تسبيكه للمكرونه هنضع بصله مقطعه صغيره مع ملعقه زيت واما تصفر نحط رشه فلفل اسمر ونقلب ونحط ثمرة فلفل اخضر ونقلب واما تحمر نضع عصير الطماطم وملح ونسيبها تتسبك وتشرب ميتها خالص
  11. نضع المكرونه ونقلبها كويس فالطماطم
  12. نضع زيت فالطاجن ثم اللحمه المفرومه ثم المكرونه ونسويها زى الطريقه رقم 8
  13. وعند التقديم يتم قلب الطاجن فطبق التقديم فيصبح اللحمه فوق والمكرونه بالاسفل وبالف هنا
  14. ممكن نفس الطرق للمكرونه بالكبده عصافير
عجبتك الوصفة؟
شوف كل وصفاتنا في مكان واحد
كل الوصفات →