→ كل الوصفات

طاجن مكرونه نجرسكو

طريقة عمل طاجن مكرونه نجرسكو سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو حليب
  • ½ كيلو مكرونه قلم او اسبجاتي او شرايط
  • ½ كوب دقيق
  • ¼ كوب سمنه او زبده حسب الرغبه
  • 2 حبات بصل مقطع مكعبات صغيره
  • مكعب مرقه الدجاج
  • ملح وفلفل اسود حسب الرغبة
  • توابل حسب الرغبه
  • ½ كيلو صدور دجاج مقطعه مكعبات
  • للوجه
  • بيضه
  • كمية جبنه موتزيريلا حسب الرغبه
  1. اولا هنسلق المكرونه ونصفيها هنجيب حله نحط فيها ماده دهنيه و نحطها على النار وننزل بصدور الدجاج المقطعه نهديها صدمة و بعدين ننزل بالبصل وبعدين ننزل بالتوابل والملح والفلفل ومكعب مرقه الدجاج واول ما الدجاج يستوي نطفي عليه النار
  2. هنجيب السمنه او الزبده نحطها فى حله على النار واول ما الزبده او السمن تسيح ننزل بالدقيق و نقلب بمضرب عشان ما يعملش كتل ولما الدقيق ياخد معانا لون ذهبي و بعدين ننزل بالحليب ونقلب لحد ما يبقى قوام البشاميل
  3. هنجيب الطاجن او الصينيه ندهنها بالسمنه وبعدين ننزل بنصف كميه المكرونه وبعدين ننزل بالدجاج وبعدين نزل بباقي كميه. المكرونه وبعدين ننزل بالبشاميل ونقلب البيضه بملح وفلفل اسود ونحطها على الوجه وبعدين نحط الجبنه الموتزاريلا
  4. وندخل الصينيه او الطاجن في الفرن درجه حراره متوسطه وتقدم بالهناء والشفا👍😉
عجبتك الوصفة؟
شوف كل وصفاتنا في مكان واحد
كل الوصفات →