→ كل الوصفات

طاجن مكرونه وايت صوص بالفراخ

طريقة عمل طاجن مكرونه وايت صوص بالفراخ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ¼ كيلو فراخ مخليه متقطعه قطع صغيره
  • ½ كيس مكرونه اقلام
  • ملح وفلفل أسود حسب الرغبة
  • م ص بابريكا
  • م توابل فراخ
  • فلفل
  • لبن
  • زيت
  • معلقه سكر لتتبيله الفراخ
  • بشاميل
  1. اول حاجه هنتبل الفراخ ونسيبها تشرب من التتبيله ااقل حاجه ٤ ساعات
  2. ف الفتره د هنسلق المكرونه عادي جدا ونسيبها
  3. ف حله او طاسه هنسوي الفراخ ونضفلها ميه لو إحتاجت المهم انها تستوي ويبقي فيها حبه صوص صغيرين
  4. بعد كده هننشل الفراخ من الصوص بتعها ونركنها ع جنب وف نفس الحله هنعمل البشاميل عباره عن معلقه سمنه ودقيق هنقلبهم ف نفس الصوص الي نزل من الفراخ مع بعض ونضيف لبن ساقع وننزل عليه بجبنه روميو وموتزاريلا وحبه ملح صغننين
  5. بعد ما نسلق المكرونه ونصفيها هنحط عليها الفراخ و اول ما البشاميل يتقل سيكا هنضيفه عليها
  6. وبعدين نقلب حلو وبعدين نصبهم ف طاجن فخار ونحط من فوق جبنه موتزريلا ونحط عليهم ورق الومنيوم وع الفرن ونبص عليها اول ما نتأكد ان الدنيا تمام والجبنه ابديت تسيح نشيل الورق ونعرضهم للشوايه لحد ما تأخد لون
  7. ملحوظه الورق الألومنيوم بيخلي المكرونه متشربش البشاميل وتبقي چوسي كده زي المطاعم من غير الورق هتنشف ف الفرن مش هتبقي حلوه زي كده وألف هنا😍
عجبتك الوصفة؟
شوف كل وصفاتنا في مكان واحد
كل الوصفات →