→ كل الوصفات
#وصفتي_الاولى كلنا بنحب الطاجن بتاع محل الكشري ودي احلى طريقه لي التجربه من مطبخي المتواضع اتمنى تعجبكم تكفي اربع افراد
المقادير
- 1/4 لحمه مفرومه
- 1 كيس مكرونه النص كيلو
- 1 فلفل رومي كبيره مقطعه مكعبات
- 1 فلفل حامي مقطع
- 1 بصله مفرومه
- 2 فص ثوم مفروم
- 3 طماطم متوسطه مضروبه في الخلاط ومخففه بالماء شويه
- 1 معلقه كبيره صلصه معلبه
- ملح حسب الرغبه
- فلفل اسود حسب الرغبه
- بهارات حسب الرغبه
- رشه قرفه صغيره جدا
- 1 معلقه زيت
- 1معلقه سمنه
طريقة التحضير
- في حله نشوح البصله المفرومه في معلقتين زيت على النار مع رشه القرفه الخفيفه واول ما تدبل نرمي عليها اللحمه المفرومه ونعصجها بالملح والفلفل الاسود ورشه توابل صغيره اول لما تشرب مايتها نرمي عليها الفلفل الرومي والحامي وبق ماء صغير جدا جدا الفلفل يدبل نطفي النار
- نجيب صينيه تكون بتدخل الفرن او طاجن او بيريكس ندهنه بسمنه من كل الجوانب ونحط في قعر الصينيه اللحمه المفرومه المعصجه ونفردها في كل الصينيه ونحط عليها كيس المكرونه الفرن من غير سلف وهي لسه ناشفه زي ماهي مش مستويه
- في الحله اللي عصجنا فيها اللحمه هنحط الطماطم المضروبه ومعلقه الصلصه المعلبه وملح وفلفل وبهارات ورشه سكر ونقلبهم على النار وبعد اول غلوه نطفي عليها ونصبها على الصينيه اللي فيها اللحمه والمكرونه ونغطي بالصلصه وش المكرونه ونتاكد ان الصلصه وصلت لقاع الصينيه نكون مجهزين الفرن ومسخنينه من قبل ما نحط الصينيه بشويه وندخل الصينيه في الفرن لمده تلت ساعه وتاكلوها بعدها بالف هنا ولما بتبات بتبقي اطعم بكتير
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد