→ كل الوصفات

طاجن نجرسكو

طريقة عمل طاجن نجرسكو سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 صدر فرخة مقطعين قطع صغيرة
  • مكعبات بصلة كبيرة مقطعة
  • 2 حبة طماطم مقطعة مكعبات
  • ½ كجم معكرونة قلم
  • 2 معلقة دقيق
  • معلقة سمنة بلدي
  • كوب لبن
  • كوب شوربة أو كوبين شوربة
  • خل
  • ليمون
  • 3 معالق زيت
  • جبنة موتزاريلا
  1. نغسل الفراخ ونتبلها بالملح والتوابل والخل والليمون ونسيبهم شوية
  2. في طاسة على النار نسخن الزيت وننزل بالبصل ونقلبهم لحد ما يحمر شوية وبعدين ننزل بالفراخ تحمر شوية وبعدين نحط الطماطم والملح والتوابل ونسيبهم ١٠ دقائق على النار
  3. في حلة على النار نسلق المعكرونه نص سلقة وبعدين نصفيها
  4. في حلة تانية نعمل البشاميل : نحط ملعقة زبدة وبعدين ننزل بالدقيق نقلبهم شوية وننزل بالشوربة الدافئة بالتدريج ونقلبهم شوية لحد ما يبقى سميك قليلا وطبعا بنضيف ملح وتوابل وممكن حبة شطة حمراء
  5. في الطاجن نحط نصف المعكرونه ونضيف لها معلقتين بشاميل ونقلبهم مع بعض وبعدين نحط الفراخ وبعدين باقي المعكرونة وبعدين البشاميل وندخله الفرن لمدة ثلث او نص ساعة من تحت وبعدين نرش الجبنة على الوجه ونرفعه على الشبكة لمدة ربع ساعة
عجبتك الوصفة؟
شوف كل وصفاتنا في مكان واحد
كل الوصفات →