→ كل الوصفات
طريقة عمل طاجن هندي (مسالا جمبري مع ارز برياني)😋😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 💞للطاجن هنحتاج
- كيلو جمبري منضف ومنزوع الرأس
- حلقات كاليماري
- 1 بصلة
- 4 فصوص ثوم
- فلفل اخضر حار
- 1 عصير ليمونة
- 4 معالق كبيرة صلصة
- علبة كريمة طبخ
- قطعة زنجبيل فريش في حجم الليمون
- 0.25 ملعقة كمون حب
- عود قرفه
- باقة كزبرة خضرا
- 2 ملعقة زبدة
- 2 ملعقة زيت
- بصل ابيض او ذهبي
- ورق لورا
- ملح
- 5 حبات عصير طماطم
- بهارات ماسالا
- 💞للارز البرياني
- 3 كوب رز بسمتي (يا ريت نوع كويس فعلا بيفرق)
- حبيتن قرنفل
- زيت
- نعناع اخضر (بيفرق كتييير في الطعم)
- 1/4 كوب ماء ورد او ميه عادية
- عود قرفة
- ملعقة صغيرة لون اصفر
- معلقة ص كمون حب اذا مفيش بلاش
- زبيب
- قرن فلفل حار
طريقة التحضير
- نفرم الزنجبيل والفلفل والثوم وننزل به في حلة فيها زبدة ونخليهم يطلعوا ريحتهم بس، ننزل عليهم بالبصل المفروم مع التوابل وعود قرفة ومعلقة كمون حب او مطحون مش مشكلة بس يدبلوا ننزل بالصلصة تتشوح وننزل بالعصير الطماطم ونسيبهم يتسبكوا كويس على نار هادئة ، نعرف منين انهم اتسبيكوااا
- شاطرين 😁😄 أما نلاقي المادة الدهنية انفصلت عن الصوص وبقت على الوش ، والصوص تقل ، في الوقت ده ننزل بالكريمة ونقلب ، هنلاقي الصوص طعمه راح في حتة تانية خااالص روووعة
- نشوح الكاليماري على نار عالية مع نفصين توم وملح وكمون ، بعدين نحطهم يغلوا على نار هادئة مع الصوص ، في الوقت ده نشوح الجمبري بردة في زيت مع فصين ثوم وكمون عالسريع ٣ دقائق كفاية ، وننزل به عالصوص برضه نحطهم في طاجن مع الكزبرة الخضراء وندخلهم الفرن عشر دقائق
- 💜 لعمل الارز: نغسل الرز وننقعه في ميه عادية مش سخنة ضروري لمدة عشر دقائق لربع ساعة مش اكتر. في الوقت ده نحط شوية زيت في حلة ونقلب الزبيب عالسريع بيتحرق بسرعة ، نشيله في طبق وننزل بالبصل في نفس الزيت يتحمر ونشيله من الزيت. في نفس الزيت ننزل بالرز نقلبه مش كتير ونملحه ونحط عود القرفة والقرنفل واللورا وملعقة الكمون الحب والفلفل ، بعدين ننزل بمية سخنة او شوربة تعدي فوق وش الرز بمقدار ٢ عقلة اصبع ، او لكل كوب رز كوبين الا ربع مية
- نسيب الغطاء مفتوح لحد ما الميه تغلي و تنخفض تحت وش الرز بلااااش نقلب خالص ، وقتها نهدي النار خالص ونغطي الرز كويس قوي ممكن تغلفي بورق ألومنيوم وبعدين حطي الغطاء ، بعد ربع ساعة نحط الزبيب على الوش عشان البخار يخليه يفتح ، ونصب نصف كوب ماء ورد او ميه عادية متدوب فيه لون اصفر واعملي كذا خرم بالملعقة في الرز وصبي فيه اللون ، ومتقلبيش خالص. غطي الحلة واطفي النار وسيبيها خمس دقائق تهدا. نحجز الزبيب على جنب ونقلب الرز عالسريع ونغرف هنلاقيه لونه حبه وحبه ، نزوقه بالزبيب والبصل والنعناع
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد