→ كل الوصفات

طاجن ورق عنب باللحمة الضاني

#عروسة_جديدة

  • كيلو لحم ضاني (موزة او ريشة)
  • ½ كيلو ورق عنب
  • كيلو طماطم
  • صلصة
  • رشه جوزة الطيب
  • كيلو بصل
  • معلقتين ثوم
  • ملعقة بابريكا
  • ليمون
  • ٢ كوب رز
  • ورق لورا وحبهان ومستكه
  • ملح وفلفل اسود حسب الرغبة
  • 1 ملعقة كزبرة ناشفة
  • كزبرة خضرة وبقدونس وشبت
  1. اول حاجة هنشوح اللحمة في بصلة و هنحط عليها فلفل أسود بس و بعد ما تتشوح كويس هننزل عليها بميه مغليه و ورق اللورا والحبهان و المستكه و نسلقهم نص سلق بس
  2. خلطة المحشي هنجيب حلة و هنحط فيها معلقتين سمنة كبار و ملعقة زيت و هنشوح بصل مفروم مع ملعقة ثوم و نحط عليهم رشه بابريكا لانها بتزود أحمرار الرز و بعد كده هننزل عليه بعصير كيلو طماطم و معلقتين كبار صلصة و رشه جوزة الطيب و ملعقة سكر و ملح و فلفل أسود و كزبره ناشفه و نسبهم يتسبكوا
  3. هنغسل الخضره و نضفها و نقصها و هنغسل الرز و نسيبه يتصفي و بعد ما الصلصة تتسبك ممكن نزودها ب ربع كبايه شوربه ونحط الرز عليهم و نخلي الرز يشرب من ماء الخلطه يدوبك ٥ دقائق و نطلعه في بولة و هنحط عليه الخضرة و هنزود زيت وبصله او اتنين نية بتفرق في الطعم كتير و نقلبهم كويس و ندوق اذا كانت محتاجة ملح
  4. هنجيب صينيه او برام و هنفرش الارضيه ب بطاطس و بصل و طماطم و ليمون و معلقتين زبده
  5. هنجيب اللحمة و نحطها في النص و نبدأ نرص المحشي حواليها بالشكل ده
  6. بعد كده هنأخذ ٢ سلطانيه شوربه كبيرة و هنحط عليهم ملعقة صلصة كبيرة و عصرة لمونتين و نضربهم مع بعض و هنسقي بيهم المحشي و بعدين نغلفه في فويل و نحطه في الفرن بياخد ساعة و نص تقريبا و الف هنا
عجبتك الوصفة؟
شوف كل وصفاتنا في مكان واحد
كل الوصفات →