→ كل الوصفات
ورق عنب مستوي ودايب وطعمه رهييب #Hadeer_Ashraf ❤️
المقادير
- ورق عنب
- ماء
- رشة ملح
- عصرة نصف ليمونة
- لحمة متقطعة مكعبات صغيرة
- فص مستكة
- فصين حبهان
- رشة صغيرة ملح وفلفل اسود
- ورقة لورا
- 1 معلقة كبيرة سمنة
- 2 حبة بصل كبيرة متقطعة ناعم
- 4 معلقةكبيرة سمنة
- 1/4 كوب زيت
- 3 معلقة صغيرة ملح
- 1 معلقة صغيرة ثوم مفروم
- 1/2 معلقة صغيرة سكر
- 1 كيلو عصير طماطم
- رشة شطة حسب الذوق
- 1 معلقة صغيرة من (كمون - كزبرة ناشفة)
- 1/2 معلقة صغيرة من (السبع بهارات - فلفل اسود)
- 1/4 معلقة صغيرة نعناع مجفف
- 1 كيلو أرز مصري مغسول ومتصفي
- 1 حزمة من (كزبرة - بقدونس - شبت)
- ماء ساخن
- 1 معلقة كبيرة من (الصلصة - دبس رمان)
- 1 معلقة صغيرة سمنة
- شرايح ليمون
طريقة التحضير
- اول حاجة عشان نغلي ورق العنب هنقطع كل العنوق بتاعة ورق العنب ونرصه فوق بعض ونغليه في حلة صغيرة على أده عشان الورق ميتبهدلش
- في الحلة هنضيف الماء والملح والليمون ولما يغلي نضيف ورق العنب دقيقتين على كل جنب مش بياخد وقت خالص
- تاني حاجة عشان نشوح اللحمة هنجيب حلة ونحط فيها ملعقة سمنة ونسيبها لما تسيح ونحط عليها المستكة والحبهان ونسيب المستكة لما تسيح
- بعد كدا بننزل بقطع اللحمة عليهم وتكون النار عالية عشان متنزلش الماء بتاعها ونحمرها من كل جنب
- بعد كدا هننزل عليها برشة فلفل اسود ورشة ملح صغيرة ونضيف حوالي كوب ماء ساخن ونهدي النار عليها ونسيبها تستوي ¾ سوا
- عشان نعمل التسبيكة اول حاجة بنشيل مقدار 3 ملاعق كبيرة بصل ني على جنب هنضيفه بعدين
- في حلة على النار بنضيف السمنة والزيت لحد ما السمنة تذوب ننزل بباقي كمية البصل وعليهم ملعقة صغيرة ملح
- نقلب البصل لحد ما يذبل ويأخذ لون اصفر فاتح
- بعد كدا ننزل بعصير الطماطم المعصورة بأقل كمية ماء ومش متصفية وعليها نضيف نصف ملعقة صغيرة سكر ومعلقتين صغيرين ملح ومعلقة صغيرة ثوم مفروم ورشة شطة
- بعد كدا بنضيف البصل الني اللي شيلناه على جنب ونقلبه مع الطماطم
- نسيب الطماطم على النار لما تتسبك وبعدين نطفي عليها ونضيف الكزبرة والكمون والفلفل الاسود والنعناع والسبع بهارات
- نقلب الطماطم مع التوابل ونسيبها لما تبرد خالص
- بعد كدا هنجهز الخلطة هنضيف الخضرة والارز على الطماطم المتسبكة ونقلبهم كويس جداً مع بعض ونبدأ نلف ورق العنب وأهم حاجة نخلي الوجه الخشن جوا والناعم برا
- هنفرش في قعر الحلة اللي هنسوي فيها كام ورقة عنب وفوقهم شرايح بصل وشرايح طماطم بعد كدا فوقهم اللحمة وبعدين نرص صوابع ورق العنب بشكل دائري
- وفي الاخر خالص نضيف عليها شرايح الليمون
- هضيف فوق المحشي الشوربة اللي طالعة من تسوية اللحمة وبعدين هنضيف على الماء الساخن ملعقة الصلصة ودبس الرمان وندوبهم في الماء كويس
- بعد كدا هنضيف الماء فوق المحشي لحد ما يوصل لأول الطبقة اللي على الوجه وبعدين نحط طبق فوق المحشي ونرفع الحلة على نار عالية
- أول ما المحشي يغلي على النار ندوق ونظبط الملح ونسيبه يغلي 10 دقائق وبعدين نهدي النار
- لما الماء ينشف بنوزع على الوجه ملعقة صغيرة سمنة ونسيب المحشي يستوي
- بعد حوالي نصف ساعة بنأخذ واحدة ندوقها ونشوفه استوى ولا لأ
- لما يستوي بنسيبه حوالي ربع ساعة لـ 20 دقيقة على نار هادية جداً عشان يبقى ذائب وطعمه حلو وبعدين نطفي عليه ونسيبه يهدى خالص وهو متغطي
- بعد كدا بنقلب الحلة وبألف هنا 😋❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد