→ كل الوصفات
#وصفات_اقتصاديه
المقادير
- ورق عنب
- 4 كوبايات رز مغسول
- خضره مشكله
- عصير طماطم
- بصله كبيره مبشوره
- لحمة مقطعة مكعبات صغيرة
- ملح وفلفل وكمون ونعناع نشاف وبابريكا
- فص ثوم
طريقة التحضير
- هنجيب اللحمة ونسخن ملعقة سمن او زيت او زبده زي ماتحبى ولما تسخن اوي ننزل باللحمه تأخذ صدمه واحط معاها ورق لورا وفلفل واقلبها وبعدين احط شويه مياه صغيرة واسيبها تأخذ نص سوا
- اجيب البصله المبشوره واحمرها على النار لما يبقى لونها ذهبي انزل عليها بعصير الطماطم وفص الثوم مدقوق وجزء من الخضره والبهارات كلها واسيبها على النار تتسبك كويس
- لما تتسبك هنطلع منها معلقتين في طبق على جنب ونسيبهم هننزل بيها على الرز وباقي الخضره ونقلب كويس
- هنجيب الطاجن ونقطع فيه من تحت بصل وفلفل وطماطم شرايح ونرصهم في الطاجن ونجيب اللحمة النص سوا ونرصها فوقهم
- هنبدا نلف ورق العنب ونرصه فوق اللحمة لحد لما نخلص الطاجن هنجيب معلقتين الصلصة اللي سيبناها على جنب هنحط عليها شوربه او لو مش موجود يبقى مكعبين مرقه ومياه ونحطهم يغلو على النار
- هنغطى ورق العنب بطبق وننزل بالشوربه عليه ونغطي الطاجن بورق فويل ونسيب الطبق في الطاجن فوق ورق العنب عادي وندخله الفرن لحد لما يستوي ونقلبه في طبق بس انا مظبطش معايا المره دى وانا بقلبه وبالهنا😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد