→ كل الوصفات

طاجين الكفتة (اللحم المفروم)

#المريول_الذهبي اللهم صلّ وسلّم وبـارك علـى سيّدنـا محمـد، حبيـت نشارك معاكم اليوم طاجين الكفتة وصفة ساهلة ماهلـة، تجي بـزاف بزاف بنينــة 😋👌🏻😋، جربتهـا على طريقــة الشــاف كريــم 👨🏻‍🍳 المتميـز بوصفاته الناجحة، في ميزان حسناتك وإن شاء الله، أمسية سعيدة أحبتي 💖💐💖.

  • للصلصة نحتاج
  • ملعقتين زيت
  • بصلة صغيرة مفرومة شوية خشين
  • 3 سنينات ثوم مرابي
  • حبة طماطم متوسطة مقطعة قطع صغيرة
  • ملعقة كبيرة طماطم مصبرة
  • التوابل نحتاج
  • الملح حسب الذوق
  • ½ ملعقة صغيرة كركم
  • ¼ ملعقة صغيرة فلفل أسود
  • ملعقة صغيرة فلفل أحمر حلو وحار
  • ¼ ملعقة صغيرة تابل الكفتة
  • 1/4 ملعقة صغيرة تابل الجبن
  • فنجال ماء ساخن
  • للكفتة نحتاج
  • 400 لحم مفروم
  • ملعقة كبيرة بصل مفروم
  • 2 سنينات ثوم مفروم
  • معدنوس مفروم
  • 4 م ك ارز مغلي
  • حبة بيض
  • التوابل نفسهم لي حطيتهم في الصلصة
  • الإضافة الأخيرة
  • 3 حبات بيض
  • رشة معدنوس
  1. نبدأ على بركة الله، أولا بالصلصة، نحط الطاجين على النار (استعملت طاجين إينوكس إذا توفر عندكم تاع الفخار يجي أحسن) ندير الزيت يسخن شوية نضيف عليه البصلة نخليها تذبال شوية ونضيف عليها الثوم نحرك الكل جيدا ثم نضيف الطماطم المصبرة
  2. نحرك شوية حتى تتقلى ثم نضيف التوابل (الملح، الفلفل الأحمر الحلو والحار، الفلفل الأسود، الكركم وتابل الكفتة ثم تابل الجبن) نحرك ونضيف الطماطم المقطعة
  3. نقلي الكل جيداً نمرق بالماء يكون ساخن جدا نغطي عليها لازم النار تكون هادئة
  4. في هاذ الوقت نحضر كريات الكفتة في إناء نحط اللحم المفروم مع الأرز والبصل، الثوم معدنوس والتوابل (الملح، الفلفل الأحمر الحلو والحار، الفلفل الأسود، الكركم وتابل الكفتة ثم تابل الجبن) ثم حبة البيض نعجنهم مليح حتى تتجانسكل المكونات نكورهم كريات متوسطة الحجم
  5. ونرميهم في الصلصة اللي تكون بدات تغلي نعاود نغلق عليهم ونخليهم يطيبو على خاطرهم وتتجمر الصلصة
  6. كي تنشف شوية الصلصة ويطيبو كريات الكفتة نفقص حبات بيض من فوق ونعاود نغلق عليها حتى يطيب البيض ونطفي راه مايديش الوقت تم تم يطيب. ملاحظة مهمة: ✔يمكن إضافة رشة من المعدنوس في هذه المرحلة أنا متوفرش عندي
  7. وقدّمتو بألف صحة وهنا 😋👌🏻😋
عجبتك الوصفة؟
شوف كل وصفاتنا في مكان واحد
كل الوصفات →