→ كل الوصفات

طاجين شاورما الدجاج 🤤

طريقة عمل طاجين شاورما الدجاج 🤤 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • بطاطا كبيرة
  • صدور دجاج
  • قرفة
  • زعتر
  • فلفل احمر و اسود
  • زنجبيل
  • خل ابيض
  • بصلة صغيرة
  • فلفل حار
  • جبنة سائلة
  • زبدة
  • دقيق
  • حليب
  • فقاع
  • فص ثوم
  1. اول شي نقشر حبة البطاطا و نقسمها لنصفين ،نص نطبخه في ماء و النص التاني نقصة دوائر و نقليه في زيت غزير
  2. بعد اطيب البطاطا الى طبختها ،نحط عليها ملعقة صغيرة زبدة و جبنة سائلة و رشة ملح و فلفل اسود و فلفل احمر و نهرسها كويس
  3. نجيب قلاية نحط فيها البصلة و الفلفل و نكون فارمتهم ناعمين ،نحط عليها توابل الدجاج و شوي زيت و نخليهم على النار حتى يذبل البصل ،في الوقت هذا نكون قصيت الدجاج لمكعبات صغار و نحطهم على البصل في القلاية و نشوحهم مع بعضهم و نطفي النار تحتهم و نكون موتية فحمه بيش اندخن الدجاج بيها
  4. نجيب طنجرة تانية نحط فيها ملعقة كبيرة زبدة و نحط معاها فص الثوم المهروس و نضيفلهم شوي فقاع و نقلبهم حوالي دقيقة مش اكثر ،نضيف عليهم حوالي ملعقتين كبار دقيق و كوب حليب و نقعد نحرك فيهم بشكل مستمر ،نضيفلهم ملعقة جبنة سائلة و مكعب ماجي و رشة ملح و فلفل اسود و اول ما تخثر معاي البشاميل نطفي النار تحتها
  5. نجيب الطواجين الحراريات الصغار و نبدأ نستف الطبقات(اول شي نحط شوي بشاميل و بعدها بطاطا مقلية و بعدها الدجاج و بعدها البطاطا المهروسه و اخر شي كمية وافيه من البشاميل و جبنة موزاريلا شوي و ندخلها للفرن تتحمر ،و صحتين 😘
عجبتك الوصفة؟
شوف كل وصفاتنا في مكان واحد
كل الوصفات →