→ كل الوصفات

طاجين قرنون محشي مع الجلبانة

#اطباق_2020 (قمة في البنة يصلح للضيوف والمناسبات وتكلفته بسيطة مع تدبيرة للاطفال لي ميكلوش الخضر انا ولادي مكلاوش القرنون لكن والله مافاقو بالخبر لي في اللحم المفروم.

  • حبات قرنون (ارضي شوكي) انا استعملت 5
  • رطل جلبانة (بازيلا)
  • قطعة دجاج او عظام الدجاج نحتاج النكهة فقط
  • 300 غ لحم مفروم
  • حبات بطاطا
  • بصلة كبيرة
  • 4 فصوص ثوم
  • حبة بطاطا صغيرة او نصف حبة
  • حبة جزر صغيرة
  • حبة لفت صغيرة
  • حبة قرعة خضرة صغيرة
  • 1/2 ربطة معدنوس (بقدونس)
  • حبتين بيض
  • ملعقة اكل ملح نقسمها على اللحم والمرق
  • نفس الشيء الفلفل الاسود
  • كذلك راس الحانوت
  • ملعقتين اكل زيت
  • ملعقة اكل زبدة
  1. بسم الله ، في طنجرة من الاحسن تكون عريضة ندير الزيت والزبدة يسخنو ونزيد عليهم قطعة الدجاج ونقليها ،نرحي البصلة و الثوم والمعدنوس في الروبو وننزع نصف الكمية ونزيدها على الدجاج ونقليهم مليح مع التوابل من بعد نزيد الجلبانة (البازيلا)
  2. نقي القرنون ونديرو في الماء والخل مباشرة باه يحافظ على البياض
  3. في نفس الروبو لي خليت فيه نصف كمية البصل نزيد عليه الجزر والبطاطا والقرعة واللفت ونرحيهم مليح ونعصرهم مليح باه نخرج كمية الماء لي في الخضر ونخلطهم مع اللحم المفروم والبيض والتوابل
  4. ندير كرة ونزيد نعصرها ونحشي بيها القرنون ولي يبقى نديرو كرات ونديرهم في المرقة مع حبات القرنون ونخليهم على نار متوسطة حتى يطيب (يستوي) القرنون
  5. نقلي البطاطا دوائر ونقدمها مع المرقة اما طريقة عمل الوردة فهي سهلة، بعد ما نقلها وتبرد شوية ندير سبعة او اكثر دوائر وحدة على جنب اختها ونروليها ونضغط عليها من الأسفل باه تشد روحها ،الخطوات موضحة في الصور
عجبتك الوصفة؟
شوف كل وصفاتنا في مكان واحد
كل الوصفات →