→ كل الوصفات
اكله ليبيه حلوه اوي تشبه العجه عندنا بس احلى بكتير وصحيه اكتر 😋
المقادير
- 2 حبة بطاطس كبيره مقشره ومقطعه مكعبات
- خلطة الفراخ
- 1/2 كيلو بانيه هنقطعه شاورما
- 2 بصل مفروم
- 1 طماطم شرايح
- 1 فلفل اخضر شرايح
- كوب خضره(شبت بقدونس كزبره)
- 4 معالق كبيره زيت ذره او زيتون
- معلقه كبيره كركم
- فلفل اسود
- ملح
- توابل فراخ
- الخليط النهائي
- 6 بيضات كبار
- كوب بقسماط مبهر او فيجيتار حسب الرغبه
- ملعقه كبيره بيكنج باودر
طريقة التحضير
- اول حاجه هنقشر البطاطس ونقطعها قطع ونحمرها ونديها رشة ملح ونركنها لو حسيتي ال٢ بطاطس قليله ممكن تزودي
- تاني حاجه هنعمل الفراخ هننزل بشرايح الفلفل الاخضر والطماطم في الاربع ملاعق زيت في طاسه كبيره نشوحهم شويه وننزل بالبصل المفروم والبانيه المقطع شاورما
- نحط عليهم الملح والفلفل الاسود والكركم وتوابل الفراخ ونقلب لحد ما الفراخ تنزل ميتها وتبتدي تنشف هنزودها ماء لحد ما تستوي وفي الاخر هنحط الخضره ونسيبها تذبل بس فيها
- هنجيب ال ٦ بيضات في بوله وعليهم البيكنج باودر ورشة فلفل اسود وملح ونضربهم بالمعلقه كده ونحطهم على البطاطس والفراخ بعد ما نخلطهم على بعض في صينيه مستطيله كبيره ونقلبهم تاني عشان البيض يدخل بينهم ويمسكهم في بعض لما يستوو
- البيض هو اللي هيمسك المكونات في بعضها فلو حسيناه قليل ومش مغطي المكونات ممكن نزود
- اخر حاجه هنرش البقسماط او الفيجيتار من فوق ونسيبه بتبلل من البيض كده عشان يبقى عجينه
- ندخلها الفرن على نار وسط من تحت ونختبر سواها بالسكينه اول ما تبتدي تمسك نفسها وممكن نشغل الشوايه شويه عشان تتحمر من فوق بسرعه في الاخر خالص.. وبالهنا والشفا 😋😊
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد