→ كل الوصفات

طاقية السلطان بطريقة اقتصاديه 👌

طريقة عمل طاقية السلطان بطريقة اقتصاديه 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو دقيق
  • معلقه كبيرة خل
  • معلقة كبيرة سكر
  • معلقه كبيره خميرة
  • ¼ كوب زيت او 4 معالق كبار زيت
  • معلقه ونص كبار كاكاو
  • مية دافيه حسب الاحتياج
  • ½ كوب دقيق
  • الحشو :4او5معالق كبار سكر
  • معلقتين كبار كاكاو خام
  • معلقه كبيره قرفة
  • معلقه صغيره سمن
  1. في بولة هنضيف نص كوب الدقيق ومعلقه السكر والخميره وننزل عليهم بنص كوب ميه دافي نقلبهم كويس اوي مع بعض هغطيهم واسيبهم عشر دقايق
  2. بعدالعشر دقايق هنضيف عليهم الدقيق والزيت ونزيد المية شويه بشويه ونلم العجينة طريه مش بتلزق
  3. هنقطع العجينة جزئين ونخلي جزء والتاني هنضيف عليه الكاكاو ونزيد معلقتين ل ٣ كبار ميه ونلم العجينه لما الكاكاو يتداخل كويس فالعجينة وتتوحد فاللون
  4. هنسيب العجين يرتاح كل واحد لوحده بعد حوالي ٢٠ دقيق
  5. هنفرد كل واحده منهم بسمك نص سم هنقلب مكونات الحشو مع بعضهم ونوزعهم ع عجينة واحده ونضيف التانيه عليها ونثبتها من الأطراف عليها
  6. هنلف طرف رول ونخلي الطرف التاني طولها حوالي ١٠سم نقطعها شرايح طولي ونلفها لولوه ونكمل الرول لف
  7. هندهن الصينيه زيت ونرص الرول فيها ونخليه يختمر كويس
  8. هنسخن الفرن على ٢٢٠ فرن وشوايه وندخلها الفرن تستوي وتحمر الوش وتطلع تاخد رشة مية عالوش بسيطة هنغطيها بالفوطة واخليها عشر دقايق تهدي نطلعها من الصينيه تتقطع وتتقدم بالهنا 👌
عجبتك الوصفة؟
شوف كل وصفاتنا في مكان واحد
كل الوصفات →