→ كل الوصفات
#وصفات_باللحم
المقادير
- 1/2 صدر دجاج
- م ك موطارد (خردل)
- م ك خل
- م ص ملح
- م ص كركم
- م ص زنجبيل
- م ص توابل شاورما
- م ص فلفل اسود
- م ص طماطم مصبرة او كاتشب
- م ص عكري حلو
- م ص عكري حار او هريسة
- سنات ثوم او ما ص ثوم مجفف
- صلصة الجبن
- 1/2 لتر حليب
- جبن طري
- قطع جبن
- جبن مبشور
- ملح ورشة فلفل اسود
- م ك زبدة
- م ك فرينة
- 3 حبات بطاطا
- زيتون اخضر مقطع
- معدنوس
طريقة التحضير
- نبدأ بسم الله ونقطع الدجاج تاعي الى قطع رقيقة ثم نضيفلو الماريناد نحط ما ك موطارد (خردل) وم ك خل ونحط توابل الشاورما والزنجبيل والفلفل الاسود والعكري الحلو والحار او العربية وم ص طماطم مصبرة والملح ونخلطهم مليح مع الدجاج ونغطيهم بورق شفاف ونخليهم حوالى ساعة
- نرجع نحضر صلصة الجبن نحط في كسرونة ما ك زبدة ونخليها تذوب ثم نضيف عليها ما ك فرينة ونخلط وفليل من الحليب كي تبدا تتلم نضيف باقي الحليب ونخلط مليح ونضيف الجبن الطريق انا استعملت موندور وجبن قطع شيزي ثم شفت كمية من الجبن مبشور ونخلطها بالفوي فوق النار حتى تبدا تثقال ونضيف رشة فلفل اسود وملح
- من جهة اخرى نرجع نوجد الدجاج تاعي نجيب مقلاة نحط فيها ما ك زيت ونحطها على النار ونضيف الدجاج ونخليه يطيب على نار متوسطة ونغطيه ونخليه يطيب ونطفي على صلصة الجبن بعد ماطابت
- نقطع 3 حبات بطاطا ونقليها في الزيت ونحتفظ بيها على جنب ثم نبدأ نحضر الطاكوس تاعي نجيب خبز التورتيلا ونطلي بكمية مليحة بصلصة الجبن ونحط فالاول بطاطا مقلية ثم اللحم ونبدا نغلق فالحبات تاعي
- نكمل كامل الخبز لي عندي ونجيب صينية فرن نستف فيها الطاكوس ونطليه بصلصة الجبن ثم نحط فوقهم جبن مبشور وقطع من الزيتون الاخضر المقطع وندخلهم مباشرة الفرن نشعللهم من تحت يتحمر الخبز ونطفي نشعلو من فوق يأخذ. اللون الاحمر ونطفي عليهم ونخرجهم من الفرن
- فالاخير نقدم الطاكوس الڨراتيني مع مشروب بارد جاء بزااااف بنين احسن من تاع برا نتمنا تجربوه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد