→ كل الوصفات

طبقات من رز بلبن و كنافه بزبدة اللوتس و صوص اللوتس على الوجه.قنبله

#حلويات_العيد

  • كيلو لبن حليب بالقشطة
  • ½ كوب رز
  • ½ كوب كريم شانتيه
  • 5 معالي سكر كبار
  • 150 جرام كنافه محمره
  • زبدة لوتس
  • بسكوت لوتس للزينه
  1. نغلي كيلو اللبن بالقشطة و نحط ٥ معالي سكر كبار و نص كوب رز منقوع نص ساعة و متصفى و نقلب كويس لحد ما يغلي كويس و نقفل و مصيبه ساعتين
  2. نحمر الكنافه في حله مع ملعقة سمن و بدل ما نسقيها شربات نسيح ٣ ملاعق زبدة لوتس و نصبهم عليها و نقلب
  3. بعد ساعتين هنفتح على اللبن و نفضل نقلب لحد ما يغلى و نذوب نص كوب كريم شانتيه في ربع كوب لبن و معلقتين نشا كبار في ربع كوب لبن و نصبهم على الحله و نقلب كويس.لحد ما ببدء ينقل و نقفل و نسيبه يهدى
  4. نحضر الاطباق و الكوبيات و تبدء نرص طبقه من الرز بلبن و طبقه من الكنافه
  5. و نختم بطبقه رز بلبن و تسيح كام ملعقة لوتس و نصبهم فوق الوجه و نزين بسكوت لوتس
  6. ممكن تعملي نفس الوصفه و تسقى الكنافه عسل و تحطى فوق الوجه صوص كراميل لو مش متوفر اللوتس
  7. و تتحط في الثلاجة و تتقدم ساقعه
  8. الف هنا
عجبتك الوصفة؟
شوف كل وصفاتنا في مكان واحد
كل الوصفات →