→ كل الوصفات

طبق القنبله كريب فراخ مع فطير بالبسطرمه وبطاطس محمره

#التحدي_الذهبي طبق كده وهم مش هتقدر تقاوم اتعلمنا الكريب هتلاقى مكوناته في الوصفات تحت 👇👇

  • 3 كريب
  • (الفطير)
  • 2 كوب دقيق
  • ماء دافيه للعجن
  • رشه ملح
  • كوب سمنه او زبده
  • تمن كيلو بسطرمه
  • تمن كيلو جبنة حادقه
  • قليل زيتون حسب الرغبه
  • 1 صدر فرخه
  • 1 فلفل الوان
  • كوب خس
  • 5 معالق كاتشب
  • شرايح بصله
  • ملح حسب الرغبه
  • فلفل حسب الرغبه
  • 1/2 معلقه بهارات فراخ
  • 3 كوب بطاطس المحمره
  1. هنعجن العجينه الدقيق والماء والملح ونعجنها كويس جدااا ونسبها نص ساعة ترتاح
  2. خلال الوقت ده هنشوح البصل الشرايح ونحط الفراخ تكون متقطعه شرايح ونحلطها فلفل وملح وبهارات الفراخ ونقلبهم كويس ونضيف فلفل الالوان ونسبهم سواهوعلى نار هاديه وتغطيهم لحد ما تستوي
  3. هنقسم العجينه بعد ما ارتاحت كورتين وندهن زيت على اي مسطح ونفرد العجينه براحه خالص ونستخدم الزيت في ده لحد ما تبقى طبقي شفافه وتدخلى هوا من تحت وتدهنيها بزبده سايحه او سمنه فلاحي وبعدين هنرص البسطرمه ثم الزيتون وقطع من الجبنة ونطبق العجين زي الغسيل وكل تطبيقه ندهنها سمنه براحه عشان احنا محتاجين الهواه اللي بيدخلها وبعدين نقفلها زي الكوره وندهن وجهها سمنه ونسبها ترتاح لحد ما نعمل العجينه التانيه ونسبهم يرتاحو نص ساعة
  4. هنبطط الفطير كده براحه خالص بالسمنه وندخله فرن سخن على ١٨٠ درجه مش بياخد وقت اول ما يستوي هنرشه بالماء ونغطيه
  5. زهقتو 😂 لا استنو الكريب بقي الفراخ جهزت خلاص هنطبق الكريب نصين وندهنه كاتشب ومايونيز ومسطرده ونحط الفراخ مع الفلفل وقطع طماطم مع الخس وعلى الوجه باربكيو ورشه شطه ونطبقه الاطراف على بعض ونسخن طاسه بمعلقه سمنه او زيت ونشوحه يتحمر بس
  6. ممكن اضافه الجبنة الموتزريللا بدل من الباربكيو 😉😉😉 وممكن نلفه رول
  7. متنسوش البطاطس المحمره
عجبتك الوصفة؟
شوف كل وصفاتنا في مكان واحد
كل الوصفات →