→ كل الوصفات
#طبيخنا_المصري
المقادير
- لحمة بقري مقطعة (الكمية حسب العدد)
- كيلو بامية
- كيلو طماطم
- بصلة كبيرة مبشورة
- 2 فص توم كبير مفروم
- قرن فلفل حامي
- مكعب مرقة دجاج
- ملح.. فلفل
- ربطة كسبرة خضرة
- توم
طريقة التحضير
- طبعا حنغسل البامية كويس وننشفها ونقمعها.. انا بعمل كده ونقسمها واشيلها في الفريزر وبتبقي اسهل طبعااا 👍
- حتجيبي حلة وتضيفي فيها معلقتين سمنة كبيرة وتضيفي البصل واول مايبقي دهبي تضيفي اللحمة تاخد تشويحة مع البصل
- بعد كده حتضيفي التوم والتوابل والمرقة وتقلبي كويس
- حتضربي الطماطم في الخلاط وتصفيها وتضيفيها عاللحمة وتغطي عليها وتسبيها لحد ماتتسبك
- في الوقت ده حتجيبي معلقة سمنة كبيرة في مقلاية وتضيفي عليها الكسبرة الخضرة بعد ماتقطعيها ومعاها حوالي نص راس توم وتشوحيهم عالنار
- حتسبيهم لحد مايتحمروا اوووي وبعد كده تطفي عليها وتضربيها في الكبة وكده تبقي جاهزة معاكي (انا برده بعملها واخليها في الفريزر واسحب منها 😉)
- حتابعي الصلصة اول ماتتسبك حتضيفي قرن الفلفل الحامي مقطع وتضيفي حوالي 4 كوب ماية ومعلقة صلصة كبيرة وتقلبي وتسبيها تغلي لحد ماتقرب اللحمة تستوي
- حتضيفي البامية وتسبيها تغلي لحد ماتستوي كويس 👌
- بعد كده حتضيفي عليها الكسبرة وتسبيها تغلي غلوتين وتوطي النار خالص وممكن تحطي شياطة تحت الحلة كمان وتسبيها حوالي نص ساعة 👍👍
- وكلي بعدها احلي بامية 👌😉 وبالف هنا وشفا يااارب 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد