→ كل الوصفات

طريقة الفراخ البانية المقرمشة 😋♥️

وصفة لذيذة لعمل الفراخ البانية بتتبيلة جميلة وقرمشة زي فراخ كنتاكي جربيها أكيد هتعجبك 😍♥️

  • 1/2 كيلو صدور فراخ
  • 1 بيضة
  • 1/2 كوب دقيق
  • 1 كوب ماء
  • 1 ملعقة صغيرة ملح
  • 1 ملعقة صغيرة فلفل أسود
  • 1 ملعقة صغيرة بابريكا
  • 1 ملعقة صغيرة زعتر
  • 1 ملعقة صغيرة بصل بودر
  • 1 ملعقة صغيرة ثوم بودر
  • 1 ملعقة صغيرة بيكنج بودر
  • 1 كوب دقيق
  • 2 ملعقة كبيرة نشا
  • 1 ملعقة صغيرة ملح
  • 1 ملعقة صغيرة فلفل أسود
  • 1 ملعقة صغيرة بابريكا
  • 1ملعقة صغيره بيكنج بودر
  1. أولاً قطعي صدور الفراخ لشرائح متوسطة في الحجم وأغسليها كويس بالماء والملح والليمون وبعد كدة صفيها من الماء😍
  2. جيبى طبق عميق وحطي فية البيضة والدقيق والماء والملح والفلفل الأسود والبابريكا والزعتر والثوم البودر والبصل البودر والبيكنج بودر وقلبيهم مع بعض كويس جداً 😍
  3. ضيفي بعد كدة صدور الفراخ للتتبيلة وقلبيهم مع بعض كويس وبعد كدة غطي الفراخ ودخليها الثلاجة لمدة ساعتين أو أكتر 😍
  4. لعمل خليط التغطية جيبى طبق عميق وحطي فية الدقيق والبيكنج بودر والنشا والملح والفلفل والبابريكا وقلبيهم مع بعض كويس 😍
  5. جيبى قطعة من الفراخ الموجودة في التتبيلة وغطيها بخليط التغطية لحد لما تتغلف كلها وبعد كدة حُطيها في زيت على النار وحمريها وكل لما تخلصي قطعة من الفراخ حمريها في الزيت لو المقلاية كبيرة ممكن تاخد 5 قطع أو أربع قطع وحمري بعد كده الفراخ لحد لما تاخد لون ذهبي جميل وخرجيها بعد كدة من الزيت 😍
  6. كملي كل كمية الفراخ بالشكل ده وبعد كدة قدمي الفراخ مع رز ريزو أو ساندوتشات مع بطاطس محمرة شوفي انتي هتقدميها مع إيه جربيها بنفسك وشوفي الجمال بجد لذيذة ومقرمشة وهسيبلك لينك وصفة رز الريزو لو عايزة تجربيه 😊
  7. 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →