كل عام وأنتم بألف خير رمضان مبارك وان شاء الله يكون رمضان مختلف وكله خير وسعادة علينا وعليكم يارب وطبعآ رمضان واجواءه ما بتحللى من غير الحلويات وخصوصي ⬅️🇵🇸❤ القطايف بالاضافة الى زكاتهم ولطافة القطايف وهشتهم هون بأسهل طريقةةان شاء الله رح تشوفو طريقة عمل القطايف واسرع مكونات وعمل واطيب الحشوات ⬇️❤😍🇵🇸🌜 تم النشر في تاريخ 21-2-2026 يصادف اليوم الرابع لرمضان 2026 ودمتم بأمان الله 😍😍❤❤🇵🇸🇵🇸 السبت 2026 وطبعآ هاي طريقة امي ربنا يحفظها ويبارك فيها اخذتها منها وطبقتها والحمدلله ناجحه 100% هاي الطريقة معروفة والمكونات إنها بتطلع طرية وناجحة ومليانة فقاعات 👌😋❤🥟 #رمضان #رمضان_مبارك #رمضان_كريم #قطايف #طريقة_عمل _القطايف #عمل_القطايف #حشوات_لذيذة #حلويات #مقبلات #طبخات #طبخ #اكسبلور #اكلات #اكلات_سريعة #حلو #وصفة #وصفات_سهله #طبخات_سريعة #وصفة_حلو #وصفة_سريعة #وصفة_لذيذة #وصفة_ممتازة #قطايف_عصافيري #قطر #حلو_سريع #حلو_سهل #وصفات_حلويات_سهله #حلويات_رائعة #حلويات_سريعة #طبخات_رمضان #نفحة_رمضان
المقادير
- 2 كوب طحين وزيادة نص كوب ما بأثر
- 1/2 كوب سميد ناعم
- 2 معلقة كبيرة نشا
- 1-2 ملعقة كبيرة سكر
- 1 ملعقة صغيرة خميرة فورية
- 1 ملعقة صغيرة بيكنج باودر
- رشة ملح
- حوالى 2½ – 3 كوب (حسب القوام) ماء دافئ
- معلقة صغيرة ماء زهر او نقطة للنكهة
- كوب اختيار احدى الاصناف المتوافرة ⬅️ جوز/ اللوز / فستق حلبي
- 2 ملعقة كبيرة سكر
- 1 ملعقة صغيرة قرفة
- 1 ملعقة كبيرة جوز هند
- شوية قطر خفيف (اختياري)
- 4-5 أقراص جبنة عكاوي منقوعة
- 2 ملعقة كبيرة سكر خفيف
- 2 ملعقة كبيرة جوز هند
- ملعقة صغيرة قرفة (اختياري)
- ½ ملعقة صغيرة ماء زهر (اختياري) + فيكم اتحطو مع الجبنة فستق حلبي مطحون اختياري
- علبة قشطة او شوكولاته او لوتس: قشطة باردة وتحشيها (عما قريب بنزللكم وصفتها خطوة بخطوة) ان شاء الله
- 2 كوب سكر
- 1 كوب ماء
- عصرة ليمون
- ملعقة صغيرة ماء زهر (اختياري)
طريقة التحضير
- اخلط الطحين، السميد، السكر، الخميرة، البيكنج باودر، والملح في وعاء. ومن ثم أضف الماء الدافئ تدريجياً على خليط الطحين في ماكنة الخلاط واخلط حتى تحصل على خليط سائل متجانس.(اذا حسيتو القوام ثقيل ضيفو شوية ماء ملعقة او معلقتان)
- اترك الخليط يرتاح لمدة 15-30 دقيقة
- سخّن مقلاة غير لاصقة واسكب مقدار من الخليط لتشكيل أقراص.وفيكم تتحكموو في حجم القطايف يعني كبير او عصافيري
- اترك القطايف حتى تظهر الفقاعات وتجف من الأعلى، ثم ارفعها من المقلاة.(يعني تتحمر من جهة واحدة فقط) بعد ذلك شيليها على فوطة نظيفة وغطّيهم حتى ما ينشفوا
- هون حبيت احشيهم بجبنة وذكرت فوق كيف طريقتهم ⬆️
- والطريقة الثانية هي اللوز ⬆️
- وعملت كم من حبة عصافيري حشيتهم بالشوكولاتة (وفيما بعد ان شاء الله بنزل طريقة قطايف العصافيري مع الحشوات الي بعتمد عليهم)
- هيك طلع شكلهم بعد التخبيز وكل عام وانتم بألف خير اعاده الله علينا اعوامآ عديدة وازمنة مديدة وان شاء الله تكون طريقة سهلة وتجربوها وأي سؤال ان شاء الله بالخدمة 🇵🇸🙂❤😍
- هذول بعض من الصور ولتجهيزات زينة رمضان ❤🌜😍 وبالنهاية ان الحمدلله رب العالمين 20-2-2026
- طريقة القلي أو الخَبز⬅️ سكّري القطايف منيح.اقليها بزيت متوسط الحرارة لحد ما تصير ذهبية.أو ادهنيها زيت وخبزيها بالفرن لحد ما تتحمّر على حرارة فرن 120 درجة (لكم حرية الأختيار)😍🥟🌜
- طريقة القطر: تخلط المكونات ونتركه يغلي 8–10 دقائق ويبرد تمامًا وفيكم تخففو حلاوة القطر بمعنى (كوب سكر ل 2 كوب ماء)
شوف كل وصفاتنا في مكان واحد