→ كل الوصفات

طريقة تخليل الزيتون 💥🇪🇬💖

كان نفسي جدا انزل الوصفة دي في تحدي #مونة_أمي ، لكن احنا لسه مخلصينه وملحقتش انزله لكن الحمدلله ، المهم🤩 الوصفة دي هاخدكم بيها علي بيت امي ، بجد هتحسو من الصور ومن الوصفة انكم رجعتو لايام زمااان اما كنا بنخلل الزيتون في بيت امنا وجدتنا 😍😍😍💖💖💖💖طبعا انا هكتب الكميات اللي استخدمتها في الصور وانتي تقدري تنقصي منها براااحتك✊😍 والكمية دي كمان دفعة من ضمن ٣دفع لسه هنعملهم💖💥لاننا بنعشق الزيتون والحاجات الحرشه دي😍😍

  • 16 كيلو زيتون تفاحي او عزيزي😍
  • 5 كيلو ليمون واكثر اذا شئتي
  • 4 كيلو جزر
  • 4 معالق كبيرة من الثوم المفروم او حسب الرغبة
  • 3 ربطات من الكزبرة الخضراء
  • 1/2 كوب من الخل
  • كيلو فلفل اخضر
  • 4 اكياس ملح "الكيس العادي الذي يباع ب 1ج😂"
  • تمن كركم
  • تمن زعتر
  • وطبعا برطمانات لحفظ الزيتون
  • ماء للتخليل
  • زيت
  1. نغسل الزيتون كويس جداجدا واي زيتون بايظه او فيها مشكله نشيلها ع جنب ، وكل حبة زيتون هنديها فتحه من عند راسها فتحه طولية في فتحه عرضية هتبقي شكل كدا +
  2. بعد كدا ، هنفرم الجزر بالمفرمة او الكبة، وهنفرم بردو الفلفل الحمر ، وهنفرم الثوم ، و هنقطع الكزبرة ،والليمون هنطريه بايدينا وبعدين نعصره ونشيل منه البذر واحنا بنعصره ونضيف علي الفلفل الحمد دا ٤معالق ملح ونصف كوب خل وشوية كزبرة ناشفة
  3. كدا البرطمان جاهز معانا انه يتحط فيه المايه ، هنجيب كمية مايه ف جردل كبير علي اد البرطمانات دي ونحط ع الميه الكركم وكمية الملح المذكورة ونقلبهم ونبتدي نملا برطمانات الزيتون بالماء ونوسع بالسكينه ف البرطمان عشان الميه تنزل في جميع انحاء البرطمان ، لازم الميه توصل لكل جزء ف البرطمان وبعد كدا نحط زيت فوق وش البرطمان واخر حاجه نضيفها علي وشه هي قشور الليمون اللي عصرناه هتحافظ عليه من الريم وبعد كدا نضيف قطعه قماشه علي وش البىطمان ونحط الغطا ونقفله كويس جداااا وان شاءالله بعد ١٥يوم هضيف صورته هنا
  4. بعد ما فرمنا الحاجات اللي محتاجه الفرم وجهزنا كل مكونتنا هنجيب البرطمان اللي هنخزن فيه الزيتون ، ونحط فيه نص كميه الزيتون اللي بيشيلها ،وفوق الزيتون دا نحط طبقة كبيرة من الجزر المبشور وبعد كدا طبقة من الفلفل الاحمر المفروم ف الخلاط ونحط كمية من الثوم و نحط كمية من الكزبرة الخضراء ،ونحط كام قرن فلفل اخضر ونقوم حاطين باقي كمية الزيتون ونحط نفس الطبقات دي تاني ودا شكل البرطمان قبل ما احط المايه
  5. المفروض الخطوة الرابعه تبقي قبل التالته بس انا مش عارفه اغيرها
  6. دا شكله قبل ما اغطيه بالغطا بتاعه
عجبتك الوصفة؟
شوف كل وصفاتنا في مكان واحد
كل الوصفات →