→ كل الوصفات
طريقة عمل العيش الفينو بطريقة سهلة في البيت بخطوات سهلة. المقادير: النص كيلو دقيق بيعمل 20 رغيف فينو، 1/2 كيلو دقيق قوى، 300 جم ميه للعجن وحسب قوام العجينه، 7 جم خميره فوريه وغيرها.
المقادير
- العيش الفينو بطريقه مميزه ونتيجه احلى من الافران
- النص كيلو دقيق بيعمل 20 رغيف فينو
- المقادير
- 1/2 كيلو دقيق قوى
- 300 جم ميه للعجن وحسب قوام العجينه
- 7 جم خميره فوريه
- 7 جم ملح ناعم
- 7 جم سكر
طريقة التحضير
- الطريقه نحط كل المقادير معا ماعد الميه نحط شويه شويه حسب قوام العجينه ونعجن كويس جدا حتى تبقى العجينه هشه وبقى لونها فاتح وبتلمع ولما نمسك جزء منها ونفرده بين ايدينا نلاقيه بيتفرد بسهوله وتبقى طبقه رقيقه جدا من غير ما تتقطع
- هنقسم العجين الى حجم صغير وبيكون 40 جم او نقسمه اكبر شويه فى حجم 95 جم
- نفرد رغيف العيش ونفردها بالمردانه وناخد طرفه اليمين على النص ونخبط بخفه لطرد الهواء من العجينه ونطبق برضه الناحيه التانيه ونخبط عليه لطرد الهواء وترجع الخميره تشتغل تانى
- ونتنى الطرفين معا مع الخبط عليهم هنلاحظ ان شكل القفله باينه قفله الرغيف لازم يكون على الصاج علشان لو الفتحه فوق هينفس ويبقى شكله وحش ومتبهدل
- ممكن ندهن وش الفينو بالبيض ورشه سمسم او حبه البركه
- ندخله الفرن على درجه حراراه 180 :200 حسب الحجم لمده 10:15 دقيقه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد