→ كل الوصفات

طريقة عمل الكرشه المحشيه

ناس كتير ما بتحبها و بترميها بس لو اتعملت كويس و كمان اتنضفت كويس اووي بتكون احلا منها ما في 😉 تعالو نشوف ازاي هانعملها و نسويها كمان بطريقه حلوه اكتييير #ع_طريقتي جربوها ومش هاتندمو ابداااا 👌

  • كرشه جدي شامي
  • 6 حبات طماطم وسط
  • 8 حبات بصل
  • 7 ربطات خضار مشكل (كسبره وبقدونس و شبت)
  • كوب الا ربع زيت
  • رز مصري مغسول
  • ملح وفلفل اسود
  • م ص بهارات
  • قرفه ناعمه
  • 2 م ك نعناع ناشف
  • معلقة كمون وكسبره ناشفه
  • للسلق
  • ميا
  • عود قرفه
  • 3 حبات هيل
  • 4 حبات قرنفل صحيح
  • 6 حبات كبابه صيني
  • 3 ورق لوري
  • عود كرفس
  • بصله كبيره
  • حبه طماطم وسط
  • ملح وفلفل اسود
  • بهارات
  • 3 م ك زيت أو سمنه
  • 2 فص مستكه
  1. اولا طبعا لازم نغلسها كويس بالملح والليمون و الخل و حطيت كمان ورق ليمون وفركتهم كويس بعد التنضيف طبعا و خليتها لمده ساعتين ف الخلطه دي.. بعد كدا غسلتها وطبعا ف الوقت اللي كنت نقعها فيها جهزت الخلطه وتعالو بينا نشوفو ازاي هانعملها
  2. اولا: هاتغسل الخضار و نقطعو صغير و البصل هانقطعو مكعبات صغيره و كمان الطماطم هانقطعها مكعبات صغيره ونحطهم كلهم ف طبق كبير و نحط كل البهارات و الزيت و ندعكهم بأيدينا كويس لانو هالخلطه هاتكون ع البارد من غير تسبيك.. هانحط الرز و نقلبو كلو كويس ف بعضو
  3. ثانيا :نبدأ نجيب الكرشه ونقطعها حتت كويسه عشان نعرف نخيطها ونحشي ونخيط بقا و نخلص كل الكميه و نبدأ ندكها بالابره من النص ننخزها اشويا و نخليها ع جمب
  4. ثالثا : هانجيب حله الضغط و ننزل فيها ال ٣ م ك من الزيت يسخن الزيت ننزل بفصين مستكه وبعد كدا ننزل بالبهارات الصحيه هاننزل بعدها بالبصله بعد ما قطعتها جوانح و نقلبها تذبل شويا ننزل بالطماطمه بعد بردو ما قطعتها جوانح نحط الملح و الفلفل الأسود وم ص بهارات ونقلبهم.. ننزل بالكبوات و نقلبها مع البصل و الطماطم
  5. نخليها تشتكشك كدا اشويا وتأخذ وعدي مع بعضها و ننزل بالميا لحد ما نغطي كل الكميه نخليها تغلى و نقفل الحله و نخليها حوالي ساعه او ساعه الأربع حسب الحله والكميه.. أول ما تستوي نطلعها نصفيها وبعد كدا نحمرها
  6. طبعا الشوربه بتعتها حكايه وكفايه ريحتها لو عندك رقاق ممكن تعملي منو احلا فته رقاق بالشوربه وتقدمه كمان جمبها مع طبق خضار مشكل يا سلام ولا احلا 👍 وبالهنا والشفا
  7. جربوها #ع_طريقتي و انا واثقه تماما انها هاتعجبكو 👌
عجبتك الوصفة؟
شوف كل وصفاتنا في مكان واحد
كل الوصفات →