→ كل الوصفات

طريقة عمل اي نوع بيتزا

بيتزا مصرية على الطريقة الإيطالية 🍕❤️❤️

  • 1 ك دقيق
  • 1 بيضه
  • 1 كوب لبن ويفضل يكون رايب او علبة ونص زبادي
  • 3 ملعقة زيت زيتون او زيت عادي ان لم يوجد
  • معلقة خميره فورية او عاديه
  • رشة زعتر او شمر
  • ملعقة صغيره سكر
  • ملعقة صغيرة ملح
  • صلصة او كاتشب
  • لحمه مفرومه أو فراخ او تونه او سوسيس
  • 2 حباية طماطم
  • 2 حباية فلفل
  • 1/4 ك جبنة موزاريلا او جبنة رومي مبشوره
  1. نخلط الدقيق مع البيض واللبن وزيت الزيتون وبعدين نضيف الزعتر او الشمر والخميره والسكر والملح. اهم حاجه نعجن العجينه كويس
  2. وبعد ما تخمر العجينه نجيب فورمه او صينيه ونمسحها بالزيت ومننساش الاطراف عشان ما تلزقش
  3. ونبدأ نفرد العجينة في الفورمه ونخليها بزياده على الاطراف لانها العجين بتكش مع حراره الفرن
  4. ونخرمها وهي في الفورمه بالخرامه او الشوكة او السكينه ان لم يوجد ما سبق
  5. نضيف الصلصة بس لو صلصة نظبتها بقى(نقطع بصل وفلفل وطماطم تقطيع برنواز '' تقطيع ناعم'' ونجيب تذكرة صلصة) نجيب حلة صغيره ونحط سنه زيت
  6. وننزل بالبصل لحد ما ياخد لون ذهبي ونحط الفلفل وبعدين الطماطم وبعدين تذكرة الصلصة ورشة فلفل وملحيها وسنه ماء بسيطه ولو عايزه تظبطيها حطي مرقه دجاج وسبيها تتسبك) ولو عايزه تريحي دماغك من ده كله حطي كاتشب 😀
  7. نفرد الكاتشب او الصلصة كويس ونضيف الحاجه اللي انا عايزه اعملها بيها يعني مثلا لو لحمه مفرومه نعصبها كويس لو فراخ تكون مسلوقه ومتقطعه قطع صغيره لو سوسيس نقطعه شرائح لو تونه صفي الزيت كويس منها. الخ
  8. ونوزعها كويس ونسويها في الفرن على نار هادية من فوق ومن تحت وهي كبيرها 15 ساعة وبالف هنا
  9. نجيب حبيتين الطماطم والفلفل نقطعهم جوليان (يعني نقسم الطماطم او الفلفل نصين ونقطع منهم شرايح رفيعه) نضيف الفلفل ونوزعه على البيتزا وبعدين الطماطم ونوزعها وأخيراً نجيب الجبنه الموزاريلا
عجبتك الوصفة؟
شوف كل وصفاتنا في مكان واحد
كل الوصفات →