→ كل الوصفات

طريقة عمل عجينة القطايف بالسميد

طريقة عمل طريقة عمل عجينة القطايف بالسميد سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 كوب دقيق
  • 2 كوب سميد بسبوسه ناعم
  • 6 كوب ماء
  • 4 معلقة كبيرة لبن بودره
  • 4 معلقة كبيرة سكر
  • 2 معلقة صغيرة بيكنج بودر
  • 2 معلقة صغيرة كربوناتو
  • 2 معلقة صغيرة خميرة فورية أو قطعة خميرة بلدى (بتاعة الأفران) بحجم حبة اللوز
  • ½ ملعقة صغيرة ملح
  1. هنخلط كل المكونات الجافة مع بعض كويس ونضيف 2 كوب ونص من الميه ونقلب ونضيف باقى كمية الميه بالتدريج لغاية مانوصل للقوام المظبوط (شبهه قوام عجينة الكريب السائلة)
  2. هنغطيها ونسيبها تخمر من نص ساعة لساعة إلا ربع بعد ما تختمر وتعلى فى الطبق فى خطوة مهمه جدا ودى اللى هاتدينى النتيجة الصح
  3. لازم نقلب العجين كويس لغاية ما نخرج منه الهواء بتاع الخمير.. يعنى ترجع لنفس مستوى ارتفاعها اللى كان قبل ما تخمر فى الطبق تقريباً
  4. عشان الهواء ده بيخليها تعمل فتحات واسعه وفتحات فى ضهرها تخليها ما تحتفظش بالحشوات كويس
  5. بنستخدم فى تشكيل القطايف إزازه بلاستيك بتاعة الحاجه الساقعه أو إزازة كاتشب أو مستردة فاضية ونضيفة (عشان بوزها رفيع) أو بنستخدم القُمع
  6. على طاسة ما بتلزقش وننزل بالقطايف بتاعتنا واول ما تعمل الفقاقيع والثقوب الصغيرة بتاعتها نرفعها على طول
  7. (مابتاخودش دقيقه وما بتتقلبش) بنخرجها على فوطه وبنغطيها عشان ماتنشفش
  8. ملحوظة الفرق بين عجينة القطايف بالدقيق العادى وهذة الطريقة هى واحدة باستثناء أن دى بتتقل شوية بعد التخمير عشان السميد بيشرب المية ، فابنرجع نخففها شوية بشوية لغاية ما ترجع لنفس القوام اللى كان قبل عملية التخمير وكمان بتتحمل يوم واتنين فى الهواء من غير ما تنشف بالإضافة إلى قرمشة وطعم رائع عشان السميد. الفرق بين الطريقتين فى الطعم والقيمة الغذائية. اختاروا بقى اللى يناسبكم وكل سنة وانتم طيبين
  9. وبالف صحه وهنا وكل عام وانتم بخير
  10. الطريقة الأصلية التقليدية لعمل عجينة القطايف دا رابط الوصفه فى
  11. نسخ الرابط تمّ نسخ الرابط
  12. البريد الإلكتروني
  13. بينترست
  14. اقرأ المزيد
  15. اطبع الوصفة اطبع الوصفة
  16. انسخ النصّ انسخ النصّ
  17. أبلغ عن الوصفة
  18. شاهد أخبار وصفتك
  19. احذف
عجبتك الوصفة؟
شوف كل وصفاتنا في مكان واحد
كل الوصفات →