→ كل الوصفات

طريقة عمل ماربل كيك بالبرتقال والشوكولاتة 😋🍫❤️🍊

من أحلى وألذ وصفات الكيك عندي هو ماربل كيك بعملة دايماً وبقدمة لأولادي وللضيوف بجانب الشاي أو القهوة بيكون حلو جداً😋👌🏻 جربي ماربل كيك بالطريقة دي مش هتبطلي تعمليها 😍❤️ #مريولي_باسمي #العلاج_بالطبخ #العلاج_بالخبز #الطبخ_مؤنس_الوحدة

  • 2 كوب دقيق
  • 1 كوب عصير برتقال جاهز
  • 1 كيس فانيليا
  • 1 كوب سكر
  • 1/4 كوب زيت
  • 1/4كوب سمنة مذابة
  • 2 عدد بيضة
  • 1 ملعقة كبيرة بيكنج بودر
  • 1 ملعقة كبيرة كاكاو خام
  1. أولاً جيبي الخلاط الكهربائي وحوطي فية الزيت والبيض والسكر والفانيلا والسمنة المذابة وعصير البرتقال ولو مش متوفر عصير برتقال جاهز ممكن تستبدلية بحليب وإخلطي كل المكونات مع بعض كويس جداً 😍
  2. جيبى طبق عميق وحوطي فية الدقيق والبيكنج بودر وقلبي كل المكونات مع بعض ضيفي الخليط السائل الموجود في الخلاط على الدقيق وقلبيهم مع بعض كويس جداً بمضرب سلك يدوي لحد لما تختفي كل حبيبات الدقيق والبيكنج بودر 😍
  3. جيبى صينية مناسبة وإدهني الصينية بالزيت وحوطي فيها 3/4 خليط الكيك والربع المتبقي حوطي علية ملعقة الكاكاو الخام وملعقة عصير برتقال وقلبي كل المكونات مع بعض كويس جداً وبعد كدة ضيفي الخليط البني على الخليط الأبيض ودخلي الخليط البني مع الأبيض بطريقة عشوائية بعصاية الشيش طاووق أو أي حاجة مناسبة 😍
  4. دخلي الصينية الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد وبعد كدة قطعيها وقدميها لعيلتك وضيوفك مع فنجان من الشاي أو القهوة☕ في التجمعات العائلة بجد الكيكة حلوة جداً وميكس كيك البرتقال مع الشوكولاتة حلو أوي جربيها أكيد هتعجبك 😍🌷❤️
  5. 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →