→ كل الوصفات

طريقه عمل الفته العرايشي بالتفصيل

👍

  • رز
  • شعيرية
  • 2 فص مستكه
  • 3 حبهان صحيح
  • فطير عرايشي
  • شوربه
  • للخلطه
  • 0.5 كيلو كبد وقوانص
  • شرايح بصله كبيره مقطعة
  • ملح
  • فلفل اسود
  • بهارات فراخ
  • حمص مسلوق
  • سوداني
  • 2 ربطه بقدونس
  • فطير محمر
  • 3 معلاق زبده
  • للتزيين
  • شيبسي بالشطه والليمون
  1. اولا هانعمل الرز.. هانحط كوب رز في الزيت مع فصين مستكه و٣ حبهان ونقلبو لحد مايقرب ياخذ اللون البني الفاتح هانزل عليه كوب شعيرية ونقلب لحد ما تتحمر الشعيرية وبعد كدا نحط باقي كميه الرز ونحط الملح ونقلب كويس ونحط الماء لحد ما يغلى وبعد نخفف النار ونحط الشياطه ونسيبو يستوي
  2. ثانيا هانعمل الخلطه.. هانقطع الكبد والقوانص حتت صغيرة ونزلها في الحله مع شويه زيت ونقلبهم لحد ما تقرب تستوي هانزل عليهم البصله المقطعه شرايح ونحط الملح والفلفل الأسود والبهارات ونقلبهم لحد ما تستوي البصله وبعد كدا هانحط الحمص ونقلبو معهم ونطفي النار ونحطو على جمب
  3. هانقطع البقدونس صغير.. و هانحمر كميه من الفطير في اشويا زيت لحد ما ياخذ اللون الذهبي ويبقى مقرمش.. في طاسه على النار هانحط معلقتين زبده ونحمص فيها السوداني ونخليهم على جنب
  4. هانحضر الفطير ونكون مجهزين الشوربه.. هانبل الفطير في الشوربه كويس ونحط الفطير في صينيه التقديم هانحط من 3 لـ ٤ فطاير وبعد ما الرز يستوي هانحط الرز على الفطير نفردو على كل الصينيه
  5. هانحط البقدونس مع الفطير المحمر بعد مانكسرو حتت صغنونه ونخلطهم ببعض ونرشهم على وجه الفته ونحط السوداني المحمر ونقدمها مع الفراخ او البط زي ما تحبي وبالهنا والشفا ✌️
عجبتك الوصفة؟
شوف كل وصفاتنا في مكان واحد
كل الوصفات →