→ كل الوصفات
الجو برد جدااا و مطر وسقعه والجو ده محتاج شوربه🇪🇬 ودي اجمل شوربه للبرد اتمنا تنال اعجابكم جميعا سهله وبسيطه جداا عندي اولادي وزوجي ميستغنوش عنها في السقعه دي 👨👩👦👦 🌹🌹🌹🌹🌹
المقادير
- 250 جرام عدس اصفر
- 140 جرام شعيريه
- 1 حبة بصل متوسطه
- جزر
- 3 حبات طماطم
- 4 فصو ثوم
- التوابل
- رشة كمون
- رشة شطه
- رشة ملح
- بهارات مشكله حسب الرغبه
- مكعب مرقه
- زيت
طريقة التحضير
- بنجيب حله ونحط فيها العدس الاصفر والبصله مقطعه ومعها الجزر مقطع والطماطم والثوم
- بعد كده بنضيف كوب ونصف ماء ونحطهم على النار ونضيف اليهم التوابل كلها
- سبيها على النار 6 دقائق غاليان بعد كده طفي النار وسيبيه شويا
- حضري الخلاط الكهربائي وهاتي الخاليط بتعنا كله من الحله للخلاط واخلطي كويس جداااااا
- بعد كده حله تانيه ضيفي فيها الخاليط بعد متخلط وشغلي النار تاني بس وطي عليها
- حضري الطاسه والزيت وحمري فيه الشعريه كويس دهبي كده بعد كده ضفيها على الخاليط هيبقا عامل زي طشه الملوخيه كده
- بعد كده غلوه وحده بس وطفي النار وسيبي الغطا على الحله متشيلهوش بعد 10 دقيق او اقل افتحي عليها وقلبيها كويس واشربي احلى واجمل شوربه
- بالف هنا على قلبكم حبيبات قلبي للعلم انا مبضفش شطه خالص في اكلي بس الشطه في بعض الاكلات بتعطيله طعم 😋
- ان شاءالله هضيف الصور لطريقه. دمتم في امان الله ورعايته
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد