→ كل الوصفات
طريقة عمل طعميه الفول 🧆🧆🧆🧆🧆🧆 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 فول مجروش
- بصله وسط
- 10 فص ثوم
- ملعقة كزبره كبيره
- ملح حسب الرغبه
- بوكيه كرات
- 1/2 بوكيه كلا من (شبت كزبره بقدونس)
- 1/2 كوب نشا
- 1/2 معلقه صغيره بيكنج بودر
- سمسم
- زيت للقلي
طريقة التحضير
- فبوله كبيره هننزل بالفول وهنغطيه بالماء كويس ونسيبه ليله وكل شويه هنغير عليه الماء حوالي كل ٥ ساعات هنلاقيه بيزيد معانا
- هنصفيه ونسيبه يتصفي ونحضر باقي المكونات معانا على المفرمه هنفرم كل المكونات مع بعضها أو في الكبه حسب المتوفر
- هنفرم الأول الخضره والبصل وبعدين الفول ونقلبهم مع بعض ونفرمهم تاني
- ونفرمهم مرتين ثلاثة لما نحس انها نعمت خالص ونضيف ليها النشا والبيكنج بودر ونقلبهم كويس جداً
- وبعدين هنوزع على وجهها سمسم ونسخن الزيت كويس ونشكل واحده ونجربها لو مفكيتش وكانت عايمه تبقى ناجحه هنقلبها تتحمر من الجوانب ونقلي منها الكميه إلى محتاجينها وتتقدم ساخنه وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد