→ كل الوصفات
#دايت فطار الجمعه صحي ومشبع 🌞🌸
المقادير
- 3 معالق كبيره عجينه طعميه
- 1 بيضة
- 1/4 معلقه صغيره بيكنج بودر
- بخة زيت زيتون
- للوجه
- سمسم / كزبره ناشفة / كمون
طريقة التحضير
- اول حاجه في طبق نضع (عجينه الطعميه + بيكنج بودر) ونقلبهم سوا كويس
- ننزل عليهم بالبيضه ونقلبهم سوا
- ونقسمهم كام قطعة انا عملو معايا ٤ قطع
- وجبت قالب السيلكون ونبخ زيت ونوزعه ونضع بالمعلقه قرص الطعميه ونسيب مسافه بينهم
- ونضع على الوجه رشة من (كزبره ناشفة + كمون + سمسم) ونثبتهم بالمعلقه على الطعميه ونرتب شكلها
- وندخلها القلاية الهوائية على درجة حرارة ٢٠٠ لمده من ١٥: ٢٠ دقيقه انا خدت معايا ١٥ دقيقه ١٠ على الوجه الاول وقلبتها وخدت ٥ دقائق على الناحية التانيه وبالف هنا
- ملحوظه : - انا استخدمت البيكنج بودر والبيض بيجعلها هشه ومش مكتومة - وافضل حاجه علشان الطعميه مش تلزق في القلاية الهوائيه القالب السيلكون سواء الكبير او بتاع الكب كيك الصغير لاني جربت الورق ولزق حتى لو مدهون زيت
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد