→ كل الوصفات

طواجن معكرونه بكبده الفراخ

#طواجن سهله وسريعه

  • 0.5 كيلو كبده فراخ
  • بصله متوسطه
  • 3 فلفل حار
  • 6 فصوص ثوم
  • ملح وفلفل
  • كمون
  • كزبرة ناشفه
  • 2 كوب عصير طماطم
  • 2 كيس معكرونه قلم
  • زيت
  • معلقه كبيره خل
  1. في حله على النار نشوح 3فصوص ثوم مهروسين وعليهم 2قرن فلفل حار واول مايصفر الثوم ننزل بعصير الطماطم ونتركه يتسبك وبعد مايتسبك كويس ننزل بلتر ماء والملح والفلفل ونغطي الحله ونسيب الخليط يغلي كويس
  2. نقطع كبده الفراخ قطع صغيرة بالمقص ونضع عليها ملعقة خل ونضعها في مصفاه تنزل كل الدم والماء منها
  3. في طاسه على النار نضع معلقتين زيت وننزل بالكبده ومنقلبهاش لغايه ماتنزل ميتها ولونها يغير، ناخدها ونصفيها كويس وبكده نكون اتخلصنا من كل الزفاره الى في الكبده
  4. في نفس الطاسه ننزل بمعلقتين زيت وعليهم البصله المفرومه والثوم والفلفل الحامي ونشوحهم كويس وبعدين ننزل بالكبده والملح والفلفل والكمون والكزبره ونشوحهم كويس
  5. نوزع الكبده في الطواجن ونضع عليها المعكرونه وبعدين نشربها من صوص الطماطم المغلي ولازم الصوص يغطي المعكرونه
  6. نغطي الطواجن بورق الومونيوم وندخلهم فرن متوسط لمده 10دقايق وبعدين نهدي النار ونسيبهم 10دقايق كمان وبعدين نطلعهم ونسيبهم متغطيين 5دقايق وبعدين نشيل ورق الفويل عنهم
  7. نقلب كل طاجن في طبق تقديم ونقدمه بالهنا والشفا❤
عجبتك الوصفة؟
شوف كل وصفاتنا في مكان واحد
كل الوصفات →