→ كل الوصفات
#المطبخ #اكلتي
المقادير
- مكونات العجينة
- 1/2 كيلو فول مدشوش
- 6 اعواد كرات مستورد او 3 حزمة كرات بلدي
- حزمتين كسبرة خضراء
- 4 او 5 فصوص ثوم
- راس بصلة خضرا كبيرة او 2 راس متوسطين
- التوابل معلقة صغيرة من كل من
- ملح
- فلفل
- كمون
- كسبرة ناشفة
- رشة تشيلي بودر اختياري
طريقة التحضير
- يتم نقع الفول المدشوش قبلها بيوم في وعاء عميق و في ماء غزير زي اللي في الصورة
- يتم تقطيع الكسبرة و الكرات الي نصفين او تلاته ليسهل طحنها في الكبة و نقوم بطحنها تمام حتي تصبح ناعمة
- نقوم بتصفية الفول المدشوش من المية و طحنه لوحده في الكبة حتي يصبح ناعم تمام دون اي خشونة او كلاكيع في العجينة.. يجب ان تكون ملساء تماما
- عند التأكد اننا وصلنا للنعومة اللي عايزينها في العجينة و الخضرة.. نقوم باضافة الخضرة الي عجينة الفول المدشوش و نقوم بعجنهم مع بعض مرة اخري في الكبة حتي يتم اندماج الخضرة مع عجينة الفول المدشوش تماما و تبقي حاجة واحدة.. زي في الصورة. ده لون الخضار المطلوب و النعومة المطلوبة و كمان متماسكة.. عشان كدة بانصح بنقع الفول المدشوش كويس اوي عشان يبقي طري ماضيفش مية خالص اثناء العجن
- بعد كدة بنحط التوابل المذكورة علي العجينة و نقسمها في اكياس و نخزنها في الفريزر حسب الكميه اللي حستخدمها
- اهو شايفين متماسكة و ناعمة جدا و اتشكلت بسهولة و ريحتها تجنن
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد