→ كل الوصفات

عجينة الطعمية (الفلافل) المظبوطة👌

طريقة عمل عجينة الطعمية (الفلافل) المظبوطة👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو فول مقشور
  • بصلة وسط
  • راس ثوم صغيرة
  • معلقه كبيره ملح
  • معلقه صغيره فلفل اسود
  • معلقتين كبار كزبره جافه
  • معلقتين كبار دقيق هرميين
  • معلقتين كبار هرميين نشا
  • معلقه كبيره بيكنج بودر
  • معلقه كبيره خل
  • 3 ربطات كزبره وشبت وبقدونس
  • كوب ونص ميه
  1. هنغلي ميه ساخنه في حلة ونقفل عليها ونضيف فيها الفول ونغطيها هتسيبها بعيد عن النار ياودب الفول ياخذ حرارة الماء وينفش او يتضاعف حجمة وده بديل لنقع الفول ليله كامله لو مستعجلة
  2. هنصفي الفول كويس اوي من الماء ونخليه على جمب
  3. في كبه او بالهاند بلندر اي اداه هتستخدميها عشان تفرمي المكونات
  4. الأول هقطع الخضره وهضيف عليها نص كوب ميه وهضربها بالهاند بلندر كويس اوي
  5. هنزل عليها بالثوم وهقطع البصل واضيفها معاهم واضربهم كويس اوي
  6. هزود الفول مع الخليط شويه شويه مع استمرار الضرب ممكن نضيف المكونات كلها في طبق كبير واسع ونضربهم كلهم مع بعض كويس اوي من غير البيكنج بودر
  7. بعد مانضربهم ونضيف كمية الماء الباقيه كلها والتوابل والدقيق والنشا ونتاكد انهم انضربوا كويس اوي مع بعض ومفيش اي مكونات مش مضروبه
  8. هنضيف البيكنج بودر ونقلبهم كويس مع بعض كويس
  9. هنسخن الزيت كويس وتقلي الفلافل وتتقدم ساخنه وبالف هنا
  10. باقي العجينة هتتحفظ في أكياس على قد كل مره وتحفظ في الفريزر هنطلع كل كيس قبل الاستخدام بساعه وبس
عجبتك الوصفة؟
شوف كل وصفاتنا في مكان واحد
كل الوصفات →