→ كل الوصفات
#صدقة_جارية #مطبخ_بطوطة
المقادير
- 1/2 كيلو فول مدشوش انقعيه من الليل للصبح
- ربطة كزبره وبقدونس
- ربطة كرات
- بصله كبيره
- 4 فصوص توم
- ثمرة فلفل رومى
طريقة التحضير
- طعمية بيتى عسل يالا بينا نشوف المقادير والطريقة
- الفول المدشوش ننقيه ونغسله ثم ننقعه فى الماء من الليل لتانى يوم حوالى 12 ساعة
- تانى يوم نصفى الفول من الميه ونخلط معاه باقى المكونات
- فى الخلاط ضيفى 2 كوب ميه وبعدين نضيفى خليط الفول حبه حبه ونضرب
- زودى خليط الفول وانتى بتضربى لحد ما تلاقى الخليط بقى تقيل ما تضيفيش فول تانى وتضربى كويس الخليط حتى ينعم خالص
- وبعدين صفيه بمصفه سلك ضيقه صفى كل الميه تماما
- وبعدين تأخدى الميه ترجعيها الخلاط تانى وتكملى باقى خليط الفول بنفس الطريقة حتى تنتهى الكميه
- وبعد ما تخلصى تصفيه الطعميه كلها من الميه قلبيها كويس كذا مره عشان تدخل هوا
- وممكن تكيسى عجينه الطعميه واحفظيها في الفريزر لحين الإستعمال 👍👍هنا قسمتها تلاته جزئين فى اكياس فى الفريزر
- والجزء التالت عند القلى ضيفت رشة بيكنج بودر وملح وكزبره ناشفه وكمون وقلبى وممكن تضيفى بيضه لو تحبى
- وعند القلى ضيفى السمسم واقلى فى زيت غزير ساخن
- ثم تقدم بألف هنا
- يا رب تكون نالت إعجابكم. سهلة وبسيطة ولذيذة إن شاء الله
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد