→ كل الوصفات
تقدري تعتمدي العجينة ديه لاي نوع من انواع الفطائر واي معجنات زاي البيتزا وكمان تقدري تحشيها بحشوات الحلو منها او الحادق تتميز بانها طريه وهاشه جداً وكمان اقتصادي وبسيطه 👌 ملاحظه كمية الدقيق مظبوطه ع مقدار السوائل وكل نوع دقيق بيختلف عن نوع تاني فنراعي اننا نحط السوائل بالتدريج لحد ما نوصل للقوام المطلوب #الشيف_الذهبي #المهم_الطعم
المقادير
- كوب زيت
- فنجان لبن بودرة
- 2 م ك سكر
- رشه ملح ملح
- م ك خميرة فورية
- م ك بيكنج بودر
- كوب الا ربع ماء
- 2 كوب دقيق
- م ك زبدة باردة
- 2 م ك مايونيز
- 4 م ك لبن رايب او زبادي
طريقة التحضير
- هنخلط الدقيق مع رشه الملح مع البيكنج بودر واللبن البودرة. وفي بولة تانيه هنخلط الماء ونذوب الخميرة والسكر
- هنضيف الزيت والزبدة والزبادي او الرايب والمايونيز على المكونات الجافة ونقلبهم كويس بعد كده بالتدريج ننزل بخليط الماء والخميرة ونعجن كويس جداً ٧ دقائق لو هتعجني بايدك. وندهن البوله زيت ونغطيها ونسيبها تختمر نص ساعة قوام العجينة متمسكه وناعمة وبتلزق خفيف
- تقدري تحشي العجينة وتشكيلها على حسب الرغبة ويفضل بعد التشكيل نسيبها تخمتر شويه من ١٠ دقائق ل ١٥ دقيقه
- مدة التسوية: مادام العجينة هتحشيها يبئا تسويها في فرن مسخن على حرارة متوسطه ١٨٠ لو مش هتحشيها وهتكون معجنات سادة يبئا اعلي من المتوسط
- اعتمدت العجينة ديه في اكتر من وصفة وحقيقي كانت ناجحه جداً و الزبدة كانت بتخلي العجينة كرسبي من بره وطريه وهاشه من جوه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد