→ كل الوصفات
#حلويات_رمضان
المقادير
- كوب وربع دقيق
- كوب ونص ماء
- معلقة كبيرة خميرة
- معلقة صغيرة سكر
- 1/2 معلقة صغيرة بيكنج بودر
- كيس فانيليا
- للعسل
- 2 كوب سكر
- 2 كوب ماء
- كيس فانيليا
- للحشو
- مكسرات
- نوتيلا
- كريمة
طريقة التحضير
- اول حاجة بجيب الخلاط يتاعي بحط كل مقادير القطايف وبضربهم كويس وبعدين بحط الخليط في بولة وبغطيها لمدة ساعة اعمل بقي العسل بحط السكر على الماء على النار لمدة ربع ساعة اقفل عليه احط كيس الفانيليا بعد الساعة اتاكد ان العجينة خمرت اجهز طاسة تيفال واحطها على النار واجيب كبشة صغيرة وابدء احط كبشة من العجين في الطاسة اعمل الحجم الى يناسبك كبيرة او عصافيري صغيرة واسيبها لحد ماتحمر من تحت
- اكون مجهز صينية وعليها فوطة نضيفة واول ماطلع القطايف اغطيها بالفوطة لحد مااخلص مقدار العجين بتاعنا ابدء بقي احشي القطايف لو بالمكسرات احشيها وبعدين حمريها لو بالنوتيلا او كريمة اقفليها قرطاس وبعدين حمريها ونزليها في العسل وبعدين احشيها لما تبرد لكن لو بالمكسرات حمريها ونزليها في العسل وصفيها وبعدين تقدم ساخنة والف هنا وشفا
- ملحوظة لو هتخزنيها في الفريزر احسن حاجة تكون محشية وشليها في طبق فويل ومابين كل طبقة كيس تلاجة عشان ماتلزقش ولما تحبي تحمري منها سبيها تفك شوية وبعدين حمريها عادي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد