→ كل الوصفات

عجينة القطايف

المقدار ده بيعمل 65 قطعة وسط للحلويات و بيعمل 35 قطعه كبيره (بحجم طبق فنجان الشاي) لحشو الحادق ( لحمه مفرومه او جبنه او سبانخ)

  • 2 كوب دقيق
  • 2 1/2 كوب ماء
  • معلقة صغيرة خميرة
  • معلقة صغيرة سكر
  • 0.25 معلقة بيكنج
  • معلقة كبيرة لبن بودر
  1. نخلط الخميرة و السكر و معلقة دقيق في ربع كوب ماء دافئ من مقدار الماء في الوصفة
  2. نضع 2 كوب ماء في وعاء و نضع عليه اللبن البودر و نخلط بالمضرب الكهربائي
  3. ننزل بالدقيق شوية شوية و احنا بنضرب بالمضرب حتي تنتهي الكمية
  4. ثم نضيف الخميره المذوبه مسبقا في الماء مع السكر و معلقة الدقيق و نكمل خلط بالمضرب
  5. نذوب البيكنج في ربع كوب الماء الباقي من مقدار الماء في الوصفه و نضعه علي الخليط و نكمل خلط بالمضرب
  6. نترك الخليط يرتاح 10 دقائق
  7. نحضر طاسه تيفال او جريل و نسخنها و نهدي النار
  8. نبدأ ننزل بالخليط علي حسب المقاس اللي تفضليه
  9. اول لما تعمل فقاقيع زي الصورة كده تبقي نجحت الوصفة
  10. و أول لما تلاقي شكل العجين اختفي تبقي استوت شيليها علي طول زي الصورة كده
  11. هيبقي من تحت ذهبي و من فوق ابيض طلعيها علي صنيه بعيد عن بعض علشان تبرد و متمسكش في بعض
  12. بعد ما تبرد غلفيها في اكياس بين كل واحده كيس زي حفظ البرجر و احفظيها في الفريزر او استعمليها علي طول
  13. ملحوظة لما تخرجيها من الفريزر افرديها علي شبكة الفرن و دخليها الفرن دقيقة علشان ترجع زي الطازة و متتكسرش منك
عجبتك الوصفة؟
شوف كل وصفاتنا في مكان واحد
كل الوصفات →