→ كل الوصفات
هنقول طعمية او طع ١٠٠ ، هنقول فلافل ، هنقول جرين برجر ، ايا كان اسمها فهي كارثة ومفيش حد مبيحبهاش ، وكل واحد ليه مزاجه وطريقته في اكلها ، دي عجينة فلافل بالفول المدشوش وبحشوة اسكندراني ناااار للي يستحملها وبالف هنا 😉
المقادير
- 1/2 كيلو فول مدشوش
- حزمة بصل كرات (بصل اخضر باوراقه)
- 1/2 حزمة بقدونس وممكن معاها كزبرة خضرة
- 2 بصلة متوسطة
- 2 م ك ثوم مفروم
- م ك بيكنج باودر
- 3 م ك من بهارات الفلافل الحصي (كزبرة ، كمون ، شمر)
- 3 م ص ملح
- 3 قرن فلفل حار اخضر واحمر
- بصلة
- م ص ثوم مفروم
- م ص بابريكا
- 1/2 م ص ملح
طريقة التحضير
- اولا الفول : انقع الفول يوم كامل وممكن تسبيه لتاني يوم الصبح مع تغيير الماء من وقت لآخر وبعدين تصفيه ،
- ثانيا العجينة : ١/ افرم الفول في الكبة فرمة وسط ولا خشن ولا ناعم وبعدين تحطيه في بولة ، ٢/بعدين افرم الخضرة (البصل الاخضر ، البقدونس) والبصلتين والثوم وملعقة كبيرة من الفول (عشان الخضرة لازم تتنعم) وملعقتين كبار من توابل الفلافل الحصي ، وبعدين تنزليهم علي الفول المفروم ، ٣/ بعدين ضيف ملعقة التوابل الباقية حصي زي ما هي والبيكنج باودر والملح واخلطهم كلهم مع بعض وبس كدة ،
- ثالثا الحشوة : في الكبة افرم كل مكونات الحشوة مع بعض وبس كدة ،
- رابعا التخزين : ١/يا اما تستخدميها علي طول في القلي وتحطي علي وشها سمسم قبل ما تقليها زي الصورة وممكن كمان تحطي سمسم في العجينة وممكن كمان تحشيها حتة صغيرة من الحشوة وتقليها ، ٢/ او تقسم العجينة علي أكياس تخزين وتقسمي الحشوة علي كل كيس حتة ،
- خامسا افكار لتقديمها : ١/ فلافل عين الكتكوت 🐣(فلافل محشية بيضة مسلوقة) وموجودة في وصفاتي ، ٢/فلافل محشية جبنة مثلثات (في وصفاتي) ٣/ ممكن تحطي علي الوجه سمسم وحبة البركة، ٤/قدميها مع سلطة خضرة وسلطة طحينة في الساندويتش ، ٥/قدميها مع جبنة فيتا وطماطم في الساندويتش ، وبالف هنا 🙂
- 🔸️ملحوظة : ١/يمكن اضافة خضرة مشكلة بجانب البصل الاخضر مثل (بقدونس ، كزبرة خضرة ، شبت)، ٢/يمكن اضافة فلفل اخضر رومي واخضر حار ، ٣/يمكن اضافة بيضة عند القلي مباشرة لو تحبي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد