→ كل الوصفات
طريقة عمل عجينه البيتزا بكل سهولة (عجينه العشر دقائق) العجينة القطنيه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 5 كوبايات دقيق
- 1/2 كوب زيت
- كيس خميره فوريه يفضل لو خميره دريم
- معلقه سكر
- رشه ملح
- كوب و نص ميه دافيه
طريقة التحضير
- طريقة تحضير الخميره نجيب نص كوب ميه دافيه وعليه ملعقة سكر والكيس الخميره ونقلبه كويس ونغطي الكوبايه لحد ما الخميره تتفاعل
- بعد ما الخميره تتفاعل نجيب وعاء ونحط فيه الدقيق والزيت والخميره والماء ونقلب لحد ما تتعجن معانا بالشكل ده
- ملحوظه العجينة ما بتكونش ناشفة او ملزقه بتكون عجينه لينه
- وبعد كده بنغطيها بسترتش او بفوطه ونغطيها كويس ونسيبها لمده ربع ساعة لحد ما تتخمر وهيكون شكلها كده
- بنقسم العجينة نصين عشان هتعمل لنا صينيتين بيتزا كبار وممكن بالعجينه دي تعملي ميني بيتزا برده
- هنجيب الصينية اللي هنشتغل فيها وندهنها بالزيت كويس ونفرد فيها العجينة ونخرمها بالشوكه بالشكل ده وهنسيبها تتخمر تاني في الصينية لمده 10 دقائق او اكثر
- بالنسبه للصلصه هنجيب فصين ثوم ونشوحهم في حبةزيت وبعد كده بننزل عليهم بعصير طماطم وملح وفلفل وبعد ما بتتسبك الطماطم بنقفل عليها وبنضيف ليها زعتر بري
- بعد ما دهنتي العجينة بالصلصه بتضيفي المكونات اللي انت حباها ممكن تعمليها باللحمه ممكن تعمليها بالفراخ ممكن تعمليها بجبن وخضروات اللي انت تحبي
- وبنكون مسخنين الفرن من قبل ما نشتغل في البيتزا بيكون درجه حراره الفرن ٢٠٠ بعد ما بندخل البيتزا بنخفف الحراره وبنخليها على 180 اكنك يعني بتسوي كيكه وبتتابعيها كل شويه بتشوفيها استويت ولا لا وهي عامه ما بتاخدش سوى كثير في الفرن
- وبالهناء والشفاء 😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد