→ كل الوصفات
#عجين
المقادير
- 4 كوب سكر بودر (منخول ناعم جداً)
- 1 م ك چيلاتين بودر
- 6 م ك مياه للچيلاتين "
- 1/4 كوب جلوكوز
- 1/2 م ص فانيليا او نكهه حسب الرغبه
- 1/2 م ص cmc بودر اوTylose لكل كوبايه سكر (يعني معلقتين في الوصفه)
- الوان طعام (يفضل چل)
- نشا للفرد
- 2 كوب سكر ابيض
- 3/4 كوب مياه
- عصره ليمون
- رشه فانيليا وملح
طريقة التحضير
- في طبق صغير هنحط الجلاتين والمياه وندخله ميكروويف 10ثواني او نسخنه علي بخار مياه لحد ميدوب
- هنعمل الجلوكوز، هنحط السكر والمياه وعصير الليمون ورشه الملح والفانيليا ونقلبهم علي البارد لحد ما السكر يدوب شويه ونحطهم علي النار وسط من غير اي تقليب خالص خالص لما يغلي ويبدا يشد شويه نوطي النار خالص ونسيبه 20 دقيقه لحد ميبقي لزج كدا والقوام تقيل زي العسل نقفل عليه ونسيبه يبرد تماما او (ممكن نشترى جاهز اللي يريحكم)
- هنحط الجلوكوز علي الچلاتين ونقلبهم كويس اوي ونحط الفانيليا وفي بوله كبيره "نكون خلطين السكر مع ال cmc" نضيف فيها 3كوبايات من الخليط دا ونخلي الرابعه نظبط بيها قوام العجينه
- هنعمل فجوة في نص الخليط ونضيف فيها الجلوكوز اللي قلبنا مع الچلاتين ونقلبهم ب اسباتيولا من جوا لبره ولما يلم نعجن ب الايد لو بتلزق في الايد نحط من خليط السكر وال cmc "الكوبايه اللي كانت ناقصه" لما تبقي العجينه تمام معانا نغلفها ب استرتش راب ونحطها جوا كيس بلاستك وبعدها علبه بلاستك ونقفل كويس واخر حاجه ندخلها جوا كيس وترتاح 6ساعات او ليله ❌"ممنوع تدخل التلاجه هتنشف وتبوظ" ❌
- لما نيجي نشكلها ناخد كل قطعه هنشتغل بيها ونلونها ب اللون اللي عايزينه
- هنشكل الورد ب قطاعات دائريه ونلزق الاطراف اللي فوق بعض ب مسحه مياه ونلفها رول كدا مع مسحه مياه عشان نلزق كل دايره ونقسمها من النص ب سكينه هتطلع ورديتين و الورده المختلفه دي اتشكلت ب الايد دواير مقفوله من تحت واتلزقت في بعض وورق الشجر المجسم التوضيح بتاعه فوق وممكن نعمله ب السكينه ورقه عاديه نزين بيها اي تورت وبالف هنا🩵
- ✅ملحوظات مهمه ✅ • نعرف ازاي العجينه جاهزه لما تمسك في بعضها وتبقي ناعمه جدا متشرخش ولا تلزق في الايد نقدر نكورها بسهوله •طيب لو بعد متلمت كانت بتلزق وطريه يبقي محتاجه من الكوبايه اللي سبناها علي جنب نزود شويه صغيرين حبه حبه لحد مانلاحظ علامات انها جاهزه •لو ناشفه وبتلزق يبقي حاجه من اتنين ان الجلوكوز والجيلاتين ماثروش كويس على القوام او ما اختلطوش كويس او لسه ما ارتاحتش وتنشف لو السكر البودر زاد او السيوله كانت قليله •عشان تطرى هناخد حته صغيره "مش الكميه كلها"هنبل صباعنا مياه ونعجن الحته
- الصغيره كويس لو العجينه لسه ناشفه هنبل نقطه تاني "حرفيا نتعامل بالنقط" بعد متطرى نحط شويه زيت صغيرين اوي علي ايدينا دا هيخليها تبقي مرنه ومتلزقش •لازم الچلاتين يبقي لزج كدا ومفيهوش اي تكتلات •الجلوكوز وانا بعمله قلبته علي النار دا خلي السكر يحبب وبقي عامل كان سكر حد حطله نقطه مياه لو عمل كدا معاكم نزود مياه تكون اعلي من كميه السكر بشويه ونحطه علي نار هاديه بدون تقليب تماما والافضل عشان نتجنب منقلبهوش علي النار
- استخدمت حله جرانيت للجلوكوز ودي كانت مهمه عشان ميتحرقش بس متعبه في التنضيف خصوصا انه ممنوع يستخدم فيها ليفه خشنه ف ممكن تستخدموا استالس بس ناخد بالنا عشان ميتحرقش او تستخدموها ومع المياه السخنه هتنضف •كميه الجلوكوز الزياده في برطمان معقم محكم الغلق وفي التلاجه •لو الكوبايه الزياده بتاعت خليط السكر والمثبتcmc محتاجنش ليها في برطمان او علبه او كيس نكتب عليها انها سكر ومثبت ونشيلها في مكان جاف •مكنش عندي غير الوان سايله فلما جيت الون محتاجتش اعجنها دقيقه في ايدي لان الالوان سائله اثرت
- في قوام العجينه ف بالتالي عجنتها بعد محطيت اللون عشان متبقاش سايحه مني •لما نجي نفرد العجينه بنحط نشا تحتها عشان متلزقش •عجينه السكر مبتلزقش غير علي تورته متغلفه ب عجينه سكر او متغلفه ب كريمه الزبده او جناش متنفعش❌بكريم شانتيه •كريمه الزبده نقدر نعملها ب الشكولاته والكاكاو او منضفهمش
- علامات نجاح العجينه ناعمه جدا مفيهاش اي تكتلات ولا خطوط سكر بودر مفيهاش حبيبات سكر بتتفرد بسهوله من غير متشقق لما تتشد تمط شويه قبل متتقطع مبتلزقش اتمني اكون منستش اي تفاصيل والوصفه تعجبكم 🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد