→ كل الوصفات
طريقة عمل عجينه السمبوسك سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو دقيق أو اتنين كوب دقيق
- 3 معلقه زيت
- رشه ملح
- كوب ماء او علي حسب احتياج الدقيق
طريقة التحضير
- ف بوله فيها الدقيق ورشه الملح والزيت ونقلب وبعدين نضيف المايه شويه شويه ونعجن كويس
- وبعدين نلم العجين وبتكون طريه نغطيها ونسبها ترتاح خمس دقائق
- بعد خمس دقائق نقسم العجين كور متوسطه
- نفرد الكور
- نحطهم فوق بعض وبينهم ندهن زيت ونرش دقيق كل 4مع بعض واخر واحدة نرش دقيق بس
- ونفرد ب النشابه لحد العجينه تكون رفيعه وبعدين نساوي الأطراف عشان يكون الشكل مستطيل
- نحط صنيه علي نار هاديه مدهونه زيت خفيف ولما تسخن نحط العجينه 30ثانيه ونقلبها علي الجنب التاني
- نخرجها ونقسمها ب السكينه وهي سخنه وبعدين نسبها تبرد ولما تبرد نفردهم من بعض
- ونكرر نفس الطريقه باقي العجين كله كل 4كور مع بعض عشان يكون سهل نفكهم وندهن زيت كويس
- تبرد ونحشي الحشو اللي نحبه انا استخدمت جبنه تركي وموتزريلا وزيتون مخلي
- بواقي العجين عملت شكل دوائر
- معلقتين دقيق علي معلقه مايه وقلبتهم عشان اقفل بيهم أطراف العجينه والسمبوسه
- طريقه لف السمبوسه والأطراف بدهن خليط الدقيق والمايه عشان تقفل كويس
- محشي كل الكميه وبعدين نقليها ف زيت سخن غزير
- صور كتير بقا ف حب السمبوسه البيتي 😂🤍❤️
- ممكن تتفرز محشيه ونغلفها ب سلوفان وتتحط ف الفليزر 💞
- تتاكل سخنه والف هنا علي قلوبكم 🤍🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد