→ كل الوصفات

عجينه السمبوسه

#تجهيزات_رمضان

  • ½ كيلو دقيق
  • ½ معلقه صغيره ملح
  • معلقه خل
  • معلقتين كبار زيت
  • ماء عاديه للعجن
  • للفرد
  • نص كوب زيت
  • كوب نشا
  1. في طبق غويط حطيت الدقيق والملح والزيت والخل وقلبتهم
  2. عجنتهم بالماء حبه حبه لحد ماتلمت عجينه متماسكه سميكه
  3. عملتها عشر كور وسيبتها ترتاح نص ساعة بعدين فردت ٥ كور بحجم رغيف العيش وسيبتهم على جمب
  4. جبت اول واحد فردته ودهنته كويس اوي زيت ورشيت نشا وحطيت فوقيه التانيه ودهنتها زيت ورشيت عليها نشأ وهكذا الخمس كور الى فردتهم
  5. بالنشابه بتاعتي فرتهم حلو اوي بشكل رقيق خالص
  6. وقطعتهم بشكل مستطيل بحجم السمبوسه كنت مسخنه الفرن على درجه ٢٢٠ وفي صاجه حطيتها دقيقه على وجه وقلبتها دقيقه على وجه التاني
  7. اول ماتطلع من الفرن يكون محضره فوطه بحطها فقلبها واقفل عليها وهكذا باقي الكميه نفس التسويه بنفس الخطوات
  8. والخمس كور التانين فردتهم نفس الاسلوب والخطوات وبعد انتهاء الكميه خالص طلعتها قسمت كل كيس حسب استخداامي للمره الواحده
  9. وجبت لحمة معصجه حشيت شويه وقليتهم قرمشه وطعم حكايه وتحفظ في الفريزر وبالهنا 🤗🤗🤗🤗
عجبتك الوصفة؟
شوف كل وصفاتنا في مكان واحد
كل الوصفات →