→ كل الوصفات
#بنة_عظيمة # وصفات جزائرية 🇩🇿 🇩🇿 🇩🇿 🇩🇿 #حلويات جزائرية تقليدية 🇩🇿 🇩🇿 🇩🇿 #وصفات حلويات اقتصادية وراقية لام يارا 🇩🇿 يعطيك الصحة ام يارا على حلوياتك الناجحة 💯 % درتهم في المناسبة وعجبهم الضيوف 😋😋🤗🤗💓💓
المقادير
- 03 كيلات فرينة (طحين) مغربل
- 02 ملاعق كبار لحظة (حليب بودرة) (حليب مجفف)
- رشة ملح
- ملعقة صغيرة فانيلا
- كيلة سمن ذايبة يكون بارد
- 1/2 كيلة ماء +ماء الزهر نلمو بها العجينة
- 03 كيلات كاوكاو (فول سوداني) محمص ومرحي أو لوز
- كيلة ناقص اصبع سكر عادي 🍥
- ملعقة صغيرة مبشور الليمون 🍋
- ملعقة صغيرة عطر الليمون بدون ملون
- ملعقة كبيرة زبدة طرية
- ماء الزهر نلمو بها الحشو
- كيلة حليب 🍶
- كيلة زيت
- 1/2 كيلة عصير الليمون 🍋 مصفي
- 1/2 كيلة ماء الزهر
- كمية من سكر ناعم (كلاصي) مغربل
- ملون وردي
- عجينة سكر لتشكيل زهور
- ملمع وردي
- كريات وردية حجم كبير وصغير
- شوكولاته للتلصيق زهور
- ملمع ذهبي
طريقة التحضير
- اولا نضع في وعاء 03 كيلات فرينة (طحين) مغربلة ونزيد 02 ملاعق كبار لحظة (حليب بودرة) ونزيد رشة ملح وملعقة صغيرة فانيلا ونخلط النواشف ونزيد عليهم كيلة سمن كنت ذوبتو من قبل ولازم يكون بارد إذا كان سخون راح العجينة تتكسرلك ونحط بتدريج سمن ونبسسها جيداً ونلمو العجينة بنص كيلة ماء +ماء الزهر وفرغي بتدريج حسب نوعية فرينة ديالك شحال تدي ماء +ماء الزهر حتى نتحصل على عجينة طرية
- ونغطيها بكيس بلاستيكي ونخليها ترتاح لمدة نص ساعة ⌚
- لتحضير الحشو نضع في وعاء 03 كيلات كاوكاو (فول سوداني) محمص ومرحي مع كيلة ناقص اصبع سكر عادي 🍥 ونزيد ملعقة صغيرة مبشور الليمون 🍋 وملعقة صغيرة عطر الليمون بدون ملون 🍋 ونزيد ملعقة كبيرة زبدة طرية ونمزج المكونات جيداً ونلمها بماء الزهر نفرغو بتدريج حتى نتحصل على عجينة ونغطيها بكيس بلاستيكي ونخليها ترتاح
- نكور العجينة العرايش وزن كرية العجينة : 40 غ. وزن كرية الحشو : 15 غ
- ونبدأ نشكل العرايش بعد ما رتاحت ونفتحها بواسطة الأصابع من بعد نحلها بالحلال على شكل دائري 🔵 وما ديروهاش رقيقة بزاف
- نروح للحشو ونقسمها إلى قسمين متساويين و نعملو على شكل حربوش ونحطو شوية لي تحت وندير حربوش ثاني ونعملو على شكل عمودي ونحطو يكون على شكل T
- ونبدأ نغلق على الأطراف غير بشوية من بعد نظغطو عليها مليح نقلبها نتحصل على مثلث 🔽 ونضغط في الوسط بثلاث أصابع مليح ونضغط على الأطراف ونمشي الأطراف و ندور قرون تاع العرايش
- من بعد نحطهم في صينية ونعمل ثقب في الوسط بعود
- وندخلو للفرن كنت شعلتو من قبل على درجة حرارة 170° نشعلهم من تحت كي الحواف يبداو يصفارو نطفي من تحت ونشعلهم من فوق يحمر لون ذهبي ونخرجو من الفرن 🔥
- لتحضير الطلية نضع في وعاء كيلة حليب 🍶 ونزيد كيلة زيت ونزيد نص كيلة عصير الليمون 🍋 نصفيه في صفاية ونزيد نص كيلة ماء الزهر ونخلطو جيداً بالفوي ونبدأ نحط سكر ناعم مغربل بتدريج ونخلط باليد احسن لازم تكون طلية يكون شوية ثقيل ونضيف ملون وردي سائل بقطرات حتى نتحصل على لون وردي فاتح إذا عندك ملون تاع غبرة ضيفي شوية ماء الزهر وتصفيه في صفاية
- نطلي حبات العرايش ونغطوها كامل وخبطيها باش يهبط قلاصاج ونحطها فوق ورق الطهي ونخليهم ينشفو مليح
- من بعد كي ينشف نحي زوائد تاع الطلية
- ونلمع حبة العرايش بملمع وردي
- نفتح عجينة سكر بالحلال
- ويكون شكل ورورد مثل ما هو واضح في صورة ونطبعها
- نختار ورد الكبيرة ولي تحتها
- كي نطبعهم نغطيهم بكيس بلاستيكي أو نغطيهم بصحن باش ما ينشفوش
- و نحضر ستيلو ونضغط على الوردة الكبيرة والصغيرة وندور بالستيلو مثل في الصورة
- ويكون على هذا شكل
- ثم نحضر ستيلو آخر ونضغط غير شوية في الوسط نفس شئ للوردة صغيرة
- ونحط وردة صغيرة على الوردة الكبيرة
- ونحطهم في المول يكون شوية غامق ونزيد نضغط في الوسط باش يلصق بالستيلو
- ونخضر ستيلو آخر مثل في صورة
- ونبدأ نعوج الأطراف تاع الزهرة ونخليهم ينشفو
- نرش عليه بملمع ذهبي بالبانسو
- ونضع قليل من شوكولاته في الوسط
- ونحط الوردة لي خدمتها تكون نشفت و حاكمة روحها
- كريات وردية حجم كبير وصغير
- نضع في الوسط لاجولي ونضع كريات صغيرة
- ثم نضع قليل من لاجولي على كرية حجم كبير ونحطها في الوسط
- وندهن بالبانسو الأطراف الوردة بملمع ذهبي
- ونحطهم في ليكيسات
- ونقدمو في صحن تقديم
- بصحة والعافية 😋 😋 😋 😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد