→ كل الوصفات
لو بتفكري في عزومة لحمة وعازاها تبقي اقتصادية وفنفس الوقت تشرفك ، يبقي عليكي وعلي الوصفة دي وتتقدم مع ارز بالقرفة والزبيب علي اكبر صينية عندك وتحطيها في نص السفرة ،، #رمضانك_اقتصادي_مع_حملة_اطبخها_اقتصادي وهو دة شعارنا في رمضان ان شاءالله ،، وكل عام وانتم الي الله اقرب 🕋📿 ،،،
المقادير
- ½ كيلو لحمة مفرومة
- كوب الا ربع بقسماط
- ¼ م ص بيكنج باودر
- بصلة مبشورة
- م ص ثوم مفروم
- م ك نشا
- م ك بهار مشكل
- م ص من : (فلفل، قرفة ، كاري)
- 2 بيضة
- م ك ملح
طريقة التحضير
- في بولة اعجن كل المكونات السابقة مع بعض كويس جدا لحد لما اوصل للعرق الابيض دة ،
- بعدين اجيب ورقة زبدة وادهنها زيت وبعدين احط اللحمة والفها رول بالشكل دة واقولها كويس من الاطراف ، وبعدين ألفها في ورق فويل ،
- بعدين اجيب صينية واحط عليها شبكة ، او علي شبكة الفرن وتحطي تحتها صينية ، وبعدين حطيت في الصينية ماء وورق لوري ، ودخلتها الفرن هتاخد معاكي من ساعة ونص لساعتين ،
- لو ما اخدتش اللون دة ، يبقي اظهنيهاةسمنة او زبدة و اديها لون في طاسة او تحت الشواية ، وسبيها تبرد تماما قبل التقطيع ، وممكن تقطعها شرايح رفيعة جدا ،
- لو عاوزة تعملي عزومة لحمة اقتصادية يبقي اعملي عرق اللحمة دة وقدميها مع ارز بالقرفة والزبيب (الوصفة القادمة) وقدميها علي اكبر صينية عندك في نص السفرة وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد