→ كل الوصفات

عزيزيه او مكرونه حلوه

زي اللي عند الحلواني بالضبط احلي طعم وشكل

  • كيلو لبن
  • 1/2 كوب قشطه
  • سكر حسب الرغبه
  • ملعقة فانليا
  • 3 ملاعق جوز هند مبشور 🥥
  • 4 ملاعق كبيره نشا
  • 50 جرام مكرونه اسباجتي مكسره قصير جدا
  1. هنحط اللبن علي النار وننزل بالمكرونه ونسيبه يغلي لحد مالمكرونه تقرب تستوي وخلي بالك 🥛يفور
  2. هنحط القشطه ونقلبها لحد ماتدوب كويس 🙂
  3. هننزل بالفانليا وجوز الهند ونقلبه كويس
  4. هنضيف السكر عليه حسب رغبتك ودوقي وحددي عايزاها حلاوته ازاي 🙂
  5. هنقلب لحد ما السكر يدوب وتغلي
  6. هندوب النشا كويس في كوبايه صغيره مايه بارد فقط علشان مايعملش كتل وهتنزلي بيه علي الخليط وتقلبي كويس جدا لحد ماتبدا تتماسك
  7. هنجهز صينيه وننزل بالخليط فيها ونفرده
  8. هنحط علي وشها قطع سمنه بلدي او زبده
  9. هنولع الفرن علي ١٨٠ الشعله اللي تحت فقط وهندخلها الفرن لمده ٣٠ دقيقه
  10. هنطفي الشعله اللي تحت وهنولع الشوايه وتتبعيها لحد ما وشها يتحمر
  11. تطلعيها وتسبيها تهدي خالص وتبرد براحتها وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →