→ كل الوصفات

عشاء صيفي همبرغر مع وصفة الخبز 🍔🍔

#الشيف_الذهبي

  • 1.5 كغ فرينة
  • 300 مل حليب دافئ
  • 300 مل ماء دافئ
  • ½ كأس زيت
  • علبة ياغورت طبيعي
  • ملعقة كبيرة خميرة
  • ملعقة كبيرة سكر
  • ملعقة صغيرة مملوءة ملح
  • للحشوة
  • صدر دجاج مرحي
  • حبة بصل مفرومة متوسطة
  • معدنوس
  • بيضة كاملة
  • ملح و فلفل اسود
  • 3 ملاعق خبز مرحي
  • ملعقتين زيت
  • ½ كأس ماء
  • للبرغر
  • طماطم
  • بطاطا مقلية
  • اوراق الخس
  1. في الاول نسمي بسم الله و نصلو على رسول الله صلى الله عليه و سلم
  2. في وعاء نتبل صدر الدجاج المفروم مع البصل و المعدنوس و الزيت و التوابل و البيضة و الخبز المرحي و نضيف الماء من ربع إلى نصف كأس حتى نتحصل على خليط مايلسقش فاليد و خفيف (صدقوني جربو إضافة الماء لكن كمية قليلة ماراحش تستغناو عليها في جميع انواع اللحوم المفرومة)
  3. و منبعد نحضر العجينة : في إيناء نحط الماء و الحليب و الخميرة و السكر و كأسين فرينة نخلطهم مليح و نخليها تخمر مدة 20 دقيقة و بعدها نهبط الاختمار و نضيفلها علبة ياغورت طبيعي و الزيت و الملح و الفرينة حتى تتلم و لكن تكون طرية و بلا ماتلسق فاليد و نعجنها مدة 5 دقائق و نخليها تخمر 30 دقيقة اخرى
  4. بعد ماتخمر نزللها الاختمار و نقسمها على 14 كرية متساوية و نحطها فالسنيوة و نخليها 5 دقائق منبعد نهبطها شوية بيدي و نخليها تخمر 10 دقائق و ندهن الوجه تعها بالبيض و نرشها بالسانوج و ندخلها طيب
  5. نعد مايطيب الخبز نخليه يبرد مليح و من جهة اخرى نكون قليت البطاطا و قطعت الطماطم و درتلها ملح و فلفل اسود نقلي كريات الدجاج و نبدا نشكل البرغر
  6. كآخر خطوة نحط الجبن الابيض و الدجاج المفروم و فوقو الطماطم و البطاطا المقلية و الخس و نغلق الخبزة و شهية طيبة
عجبتك الوصفة؟
شوف كل وصفاتنا في مكان واحد
كل الوصفات →